بالفيديو – جورج حرب: بحبّ فرنجية لصراحتو.. بس شو هالمرض رئاسة الجمهورية بلبنان..⁉

– ليه البعض ما بحبّ يتعلّم..⁉

***

مقتطف من حديث الإستاذ الجامعي الدكتور جورج حرب، لقناة الـ”OTV” ضمن برنامج “حوار اليوم”: (12 تموز 2019)

(1) حادثة قبرشمون
– في الجبل ما يقوم الوزير جبران باسيل، هو على صعيد لبنان كلّو.. هو إحقاق أو تحقيق الميثاقية الصريحة والواضحة
– للأسف الآخر بس تِجيه مؤشرات خارجية، وبيقدِر يكسب من خلالها بمنع دخول الفكر الميثاقي الى الجبل أو غيرها من المناطق، بتكون ربيحّة.. ولكن إذا بِعيدو حساباتهم من 2005 لليوم.. أيمتى كان للأميركي وفاء معُن بأي موقف سياسي.. ليه ما بحبّو يتعلمّوا..⁉
– مش رح يبقى بالآخر لأي لبناني.. باللعبة السياسية الداخلية الاّ خيّو اللبناني..

(2) المؤشر الأمني
– ما في مؤشرات تدلّ الى حصول إنهيار.. والأسباب كتيري، منها:
* وجود مليونان نازح سوري.. والاّ بصفّو عَ شواطئ مرسيليا وجنوى الناوحين اللي بلبنان..
* وجود الغاز في لبنان وتواجد الشركات النفطية الأميركية والروسية المهتمة بشدة، ويهما أن يبقى الأمن مستتب.. وبأوائل تشرين الأول بداية الحفر قبالة منطقتي الصفرا والزهراني..
* العامل الداخلي القائم على قوة المقاومة وقوة الجيش اللبناني

(3) فرنجية
– معالي الوزير سليمان فرنجية قدِر ينسى اللي ارتكبو مجازر بحق عيلتو..
– قِدر ينسى كل اللي حاولو يقصوه سياسياً على مدى سنوات… مع إنو اللي حضنو من بعد سنة 2005 هوي العماد عون..
– تخيّل قدِر ينسى كل هودي، بس مش عَم يِقدِر ينسى اللي أخد منّو رئاسة الجمهورية.. بس رئاسة الجمهورية كانت حق لغيره.. بالأساس منها حق الو..
– بصراحة الوزير فرنجية انا بحبو.. وبحب صراحتو.. وبحب غيرتو إذا بدك على جماعتو.. وعلبنان وخطو العروبي والمقاوم.. ولكن ليه مصرّ يروِحُن كلُن لقاء ورقة رئاسة الجمهورية.. ⁉ شو هالمرض هيدا رئاسة الجمهورية بلبنان❓ لما بكون عندك رئيس جمهورية متل العماد عون إنتا بتِقدَر تساوي حالك فيه‼

(أستاذ جامعي ، حوار اليوم قناة الـ”OTV”؛ تموز 2019)

https://youtu.be/403Qvggm1AE