بالفيديو – الحسن لنتالي عيسى: ليه علوش بأي تيار❗ ما يكون بالحزب العربي الديمقراطي وما منَعرِف 😏

– مصباح الأحدب عندو مشكلة كبيري.. ولا حسم بإدلب، لأنو صارت نقطة تجاذب دولي بدها تفاهم 👈

***

مقتطف من حديث الكاتب السياسي حسان الحسن، لقناة الـ”OTV”، ضمن برنامج “أجندة”: (8 تموز 2019)

(1) زيارة طرابلس
– بكل تجرّد التيار الوطني الحرّ عندو مكتبين بطرابلس، احدهما من سنة 2005، الجماعة منُن دخلاء عَ المدينة.. وكان عندُن مرشح عالإنتخابات النيابية 👈
– رئيس حزب عَم يعمل جولة على كل المناطق شو المشكلة..❗❗ لكن لما الدكتور مصطفى علوش يقول إنو الوزير باسيل ما بمثّل بطرابلس، سؤال حضرتك لما ترشحّت بالإنتخابات النيابية الى جانب الياس عطالله جايي من الرميلة من قضاء صيدا… هل الياس عطا الله كان يمثّل طرابلس..❓
– لنفترض إنّو جبران باسيل عَم يحصّل حقوق ضايعة للمسيحيين عَم ياخدها من حقوق السنة، وين رئيس الحكومة إذاً..؟؟ ما نحنا نعرِف إنّو إذا:
* إستقال.. بيفرط البلد..
* معو مجلس الإنماء والإعمار
* معو فرع المعلومات
* الهيئة العليا والإغاثة..
وبيتحدثون عن وجود إحباط، وجبران باسيل عَم ياخود حقوق المسلمين.. إذا صحيح هالكلام (وهوي غير صحيح) يعني في كارثة.. 😉

س – نتالي عيسى: لكن المشكلة التقنيص ليست من عند الحريري⁉
حسان الحسن: لاء.. مصطفى علوش من أيّ جو..‼ هوي بأي تيار❗هل هوي بالحزب العربي الديمقراطي مع علي عيد وما منَعرِف..😏

(2) للتذكير 🎬
– معليه بدنا نضطرّ نوضّح الأمور وقت صارت 7 أيار ببيروت، الشباب الطيبة فكرّوا وين بدُن يردّو الحساب❓ فتحوا جرح كان من الثمانينات مسكّر بين باب التبانة وجبل محسن..
– مين فتح الجبهة.. ليه مين العميد حمود❓ ما هوي تابع لتيار المستقبل، ومسؤول عسكري 😉

س – نتالي عيسى: ماذا عن وصف باسيل بالداعشي⁉
حسان الحسن: معليه وهل نسينا إنو داعش الحقيقي إعتبروهم ثوار 😔 للأسف شخص متل مصباح الأحدب كان قنصل لفرنسا قاعد ومقعّد أحمد الأسير حدّو.. وجبران باسيل داعشي.. عندو مشكلة كبيري هوّي.. 😉

– أشرف ريفي، من زمان يحبّ يبرز حالو.. ولكم من يستطيع أن ينسى وقوفه الى جانب اللواء غازي كنعان، وعيونو بالأرض 💯

(3) إدلب
– ما في حسم بإدلب، لأنو صارت نقطة تجاذب دولي.. وكيف بدها تنتهي واليوم التركيز الأميركي على إيران.. فما حاجتهم الى إنهاء ورقة بيدهم.. ونحن نعرف إنو في أعداد ضخمة من المسلحين في إدلب.. لا يمكن الحسم دون تفاهم..

( أجندة – OTV؛ 8 تموز 2019)

https://youtu.be/RirGWkHZj6c