بالفيديو – حسن عليق: أخصام جبران باسيل حوّلوه الزعيم الأول للمسيحيين ورح يعملو الأوحد بعد شوي 😉

– في زعامة صاعدة إسما جبران لها كامل الشرعية وما نتمناه إنّو يكون إداؤه مختلف عن غيرو..

***

مقتطف من حديث رئيس قسم المحليات في صحيفة الأخبار حسن عليق، لقناة “المنار” ضمن برنامج “مع الحدث”: (3 تموز 2019)

(1) همّ البيك 👍
– مش دايماً مفترض نحمل همّ البيك وإبنو.. (وأي بيك، مش بس وليد جنبلاط) وبنا نستحي عنّو إذا غلّط.. ولمّا بدّو يورّت إبنو كلنا بدنا نكون حَواليه ندفيلو إبنو 😉
– إذا عندو أزمة نفسية جنبلاط، أو إذا عندو أزمة مالية أنا كمان بدي إهتمّ لأزمتو النفسية والمالية..!! 👍

(2) قبرشمون 👈
– لما بكون موقّف ناس بالشارع، وقايلتيلُن سكرو الطريق، وممنوع يفوت جبران باسيل لهون 🤨 وعاطيتيهُن سلاح 😔 ومستعدين يقوصو أو عاطيتيهم أمر يقوصو 😕 ساعتها بتبطّل تفرق إذا إسما محاولة إغتيال او كمين للإغتيال 🤔

(3) جبران باسيل حولوه الزعيم الأول للمسيحيين ورح يعملو الأوحد 😉
– بيقدر جنبلاط ينزّل عَ الشارع ويمنع وزير الخارجية وأكبر تكتّل نيابي إنّو يفوت على منطقة متل عاليه، بس طبعاً بالسياسة رح يدفع ثمنها 👌

كيف رح يدفع ثمنها ❓
الوزير جبران باسيل رح يقدر يشدّ عصب.. وعم يحولوه لجبران باسيل للزعيم الأول.. عَ شوي (ما بدنا نبالغ) رح يصير الزعيم المسيحي الأوحد 😉 ومش بس الأول أو الأول متقدّم على الباقيين بكثير مش بشوي.. 🤔

س: هل نجح إنو يقول جنبلاط “الجبل لي وحدي”..⁉
حسن عليق: لاء ما نجح، قدر شدّ عصب جمهورو الضيّق.. وما عم قول إنّو في إنقلاب عند الدروز، رح يضل زعيم الـ65% من الدروز ولكن عم يسمح لخصومو بقلب الطايفة يشكلو جبهة بوجّو.. وعَم يسمح لخصومو خارج الطايفة يقولو، عنا حلفا داخل الطائفة 👍

(3) تمنّي
– خلص في واقع لازم نتقبلّه ، إنو في زعامة تتراجع وزعامة تأفل.. (جنبلاط)
– الأساس أيضاً في زعامة صاعدة إسما جبران باسيل، بدنا نتعوّد إنّو هيدي زعامة أساسية ولها كامل الشرعية انها تكون متل غيرا.. ولكن ما نتمناه ونرجوه إنّو يكون إداؤه مختلف عن غيرو، لناحية “إنتا طالع – طلاع عَ رواق – ما ضروري إنتا وطالع تخبّط كل اللي نازلين، ما هنّي نازلين”..

https://youtu.be/JIgraVczUM8

(رئيس قسم المحليات في صحيفة الأخبار – المنار “مع الحدث”؛ 3 تموز 2019)