بالفيديو – جعجع عن سبب إتصاله بكارين رزق الله.. في ناس هما تقاتل غيرا، عن الآلية سألي باسيل..

– برافو للوزرا جريصاتي والبستاني والحسن.. ولطافة أبو سليمان تغشهم..

***

مقتطف من حديث رئيس القوات سمير جعجع لقناة الـ”mtv”، ضمن برنامج “بيروت اليوم” – الجزء 2: (29 حزيران 2019)

(1) الموازنة 🎬
– الصورة الكبيري ما قبلت القوى السياسية نروح عليها.. شو بقصد❓
– نحنا بوضعية إستثنائية.. ما بفيد معا Panadol وأسبيرين، ومسكنات من هالنوع.. بدنا معالجات فعلية👍
– كتلة المعاشات بالدولة ما بتِحملها الدولة وكمان بولا أي دولة.. 300 ألف موظف من أصل 4 ملايين.. أنا بطلب من كل الناس يشوفو بكل دول العالم قديه نسبة يد العاملة ببلد معين بتشتغل بالدولة، وقديه نسبة اللي بتشتغل برات الدولة.. ⁉
– في ثقافة عامة منا مزبوطة.. قبل ما نبلش ندرس شي بالموازنة، قامو من هون وهونيك.. إضرابات.. 🤔 طيب ما بدكم تغيرو شي، بس بنهاية المطاف رح يتغيّر كلشي غَصبن عنا… 🤔
– بدنا نقول للناس الشغلة متل ما هيّي.. إنت ما بدك ينشال 3%.. شو أنا بدي ينشال، أنا بتمنى نزيد 30% كمان.. بس في واقع بدنا ناخدو بعين الإعتبار💯
– بتقلي.. إيه حاربو يللي عملو الفساد.. عم نحاربُن.. بس تفضل حاربُن معنا.. ما إنت صوتلُن..

(2) الآلية
– بعد الناس ومنهم كتل كبيري، كل هما تقاتل غيرا.. بيِخرب البلد بيعمر..
– متل هلق بالتعيينات.. كل همُن ما يِجي حدا تاني..
– الرئيس الحريري ما عندو مانع بالآلية.. والحزب الإشتراكي وبري ماشيين بالآلية.. مين يللي ما عَم يوافق❓
– الأمر عند رئيس الجمهورية.. بيمشي بالآلية بتمشي.. إذا ما بيمشي ما رح تِمشي.. شو منعمل⁉

س: حُكي بالصحف أنك ستتوجه الى قصر بعبدا لتلتقي الرئيس ميشال عون، لن يحصل أم مستبعد..⁉
جعجع: لاق مش مستبعد.. يمكن يحصل بأي وقت. بس حتى يكون عنا شي نِعملو بكل صراحة.. لا الرئيس عندو وقت يضيعو، وأنا نفس الشي كمان.

س: ليه رئيس التيار ما بدو آلية❓
جعجع: سألي الوزير باسيل، وقوليلو: القوات ماشيين ورئيس الحكومة ما عندو مانع، وامل والإشتراكي..

(3) حزب الله وإيران
س: السيد نصرالله قال الحرب لن تقف عند حدود إيران إذا بدأت⁉
جعجع: ما توقف عند حدود إيران، المهم ما تجي عَ حدودنا.. وما الو حق يلعب بمصير الآخرين غصبن عنُن.. نعمل إستفتاء عَ الشعب اللبناني، ونسأل مين بدو إذا تعرضت إيران انو لبنان يساندها، ومين ما بدو❓
– السلطات الرسمية عندا مسؤولية كبرى هلق، إنو يحكو عَ رواق مع نسؤولي حزب الله

(4) مفهوم الحرب بمسلسل كارين رزق الله
– إتصلت فيها.. لأنو بداية، بالحرب كان في من جميعو.. كان في:
* قطاع طرق
* مافيات
* وناس بلا أخلاق عم تستفيد من الحرب
بس حدّ هودي، (ومن كل الطوائف) كان في شباب مؤمنين عَ أد ما إيمانُن بحدّ.. مؤمنين بيللي عَم يعملو.. يعني إذا حملو سلاح، لأنو معتبرين في قضية سامية (يمكن الإعتبار غلط) ونواياهم مش غلط، والدليل في كتار ضحّو بحياتُن 👍
– بعد الحرب، ومع وجود جيش الأسد.. ما فضينا نصوّب بعض الأمور. بهالوقت بعض الوجوه الصفر، وبعض المدعّين والمتفلسفين.. طلعو ببعض النظريات، وبقيت سائدة لمبارح.. بقولو: “نحنا ما لطّخنا أيدينا بالدم”..
– برأيي أكبر خائن، هوي بلدو بيتعرّض يللي تعرضلو لبنان من سنة 1975 لسنة 1990، وما بِساهم، وما بشارك.. إنّو شو يتعرضلو شعبو.. ما أنا شايف ضيع ونسوان وختيارية حاملين غراضُن بنص ليل وطالعين من بيوتُن… إنو شو عَم يفاخرو إنو راح قعد بشي قهوة بفرنسا، ومن هونيك صار ينظّر علينا إنو إيديه مش مغمسّة بالدم 😔
– بتفاجأ بمسلسل كارين رزق الله تبعا، بشخصية عم تِحكي بهالمنطق.. ✔

(5) تهنئة للحسن وجريصاتي والبستاني
س: إذا بدك تهنّي وزير غير وزرا القوات❓
جعجع: لفتني عدة مرات الوزيرة ريا الحسن، مثلاً قرار وقف العمل بالمهل الإدارية.. قرار جريء… وشاركها فيه الوزير فادي جريصاتي.. كمان لازم تقولي برافو عليه👏 مثلاً الوزيرة ندى البستاني بقصة بعض الخطوات بخطة الكهربا.. 👏
– ما فيي روح أبعد قبل ما شوف العمل، يمكن يكون في حكي حلو بس ما يقترن بعمل حلو

(6) أبو سليمان
– لطافة الوزير أبو سليمان يمكن بغلطو فيها.. بفكرو يشدّو.. بذكرني بعشبة عنا كتير ناعمة، بتطلعي فيها، بتجي حتى تشيليها، ما بتطلع معك.. بتاخديها عَ اليمين ما بتطلع، بتاخديها عَ الشمال ما بتطلع بتضلّ محلها ثابتة..

https://youtu.be/cGUT0C2yErk

(بيروت اليوم mtv؛ 29 حزيران 2019)