بالفيديو – باسيل من شكا: نواجه أركسترا الفاسد والفاشل والمقصّر.. لأنو عم نقدّم فكر ونموذج جديد 😕

– بعد ما فتحنا تمنا بالتعيينات مع حدا وبلشت السمفونية 👌

***

مقتطف من حديث رئيس التيار الوطني الحرّ جبران باسيل في مدينة شكا – لقاء شعبي: (16 حزيران 2019)

***

(1) شكا
– يللي نعَمَل بالمدينة قليل لأنّو عَم تدفع شكا ضريبة عن كل اللبنانيي، ضريبة الترابة والغبرا..
– بقولو: بدّك تسكّر المعمل وتخرب بيوت الناس اللي عم تشتغل..؟؟
– كأنو ما فينا نِعمِل معادلة الناس تشتغل وما يكون في تلوث 🤔

شو سبب هالشي❓
السبب هوي الجشع والفساد
* الجشع بيوقف بشوية ربح أقل
* الفساد للأسف مغطّى من ناس بتقبض حق سكوتها

(2- نموذج جديد)
– نحنا اليوم عم نقدّم فكر جديد نقيض للموجود، ومن هيك رح يتحارب من الكل، من:
* الفاسد
* الفاشل يللي ما بيعرف يعمِل
* المقصّر..

وهودي كلُن أعداء كلُن وبجمعو الناس وبخلّوا العمل الإصلاحي والمنتج والفكر الجديد يتقوّص عليه، وكل يوم بعنوان جديد.

(3) التعيينات
– بعد ما فتحنا تمنا بالتعيينات مع حدا، وبلشت السمفونية 👌
– وكل ما بدنا نشتغل بمشروع بدُن يعملو عرقلة بشي.. 😕
– في مشروع شتغلناه على الهينة، سد في تحتو نووي، وسد تاني بدّو ينفجر.. 😉
– ساعة بوقفو الدفع، وساعة بوقفو المعاملة، وساعة بضبّو الملف.. للأسف بس بدي وقفلك شغلك وما اعمل شي أنا غير إحكي 😉
– ونحنا منِعمِل شغل بالإنماء ما بغيّر رأي الناس بالسياسة، وما بيعتبرا خدمة خاصة.. وحقُن.. نحنا ما منِعمِل للناس خدماتُن العامة ليغيرو رأين.. 👈

(الخلاصة)
– بدّو ينتصر الفكر اللي يبني، ومشروع الكهربا رح ينعمًل، صح في ناس بتحتفل إنو عَم توقفو.. 🤔
– بدنا نخلّي خلال 10 سنين منطقة البترون منطقة سياحة دينية، وسياحة بيئية، وتصير عايشة الناس بالمنطقة وتقصدها، ويبطّل في تلوث بشكا، بالعكس نصير نحكي ببنيان وعمران، وتكون مثل لكل لبنان يكون متلا، لأنو كل لبنان حلو 🇱🇧

https://youtu.be/RVgIactj1KQ