بالفيديو – وديع عقل يحيي سيدة من المستقبل لرفضها أخذ مال لا تستحقه..👍

– وقفو غنج عَ اللبناني، ولادنا تشرحطت قدام وزارة التربية واي سوري بالعالم بحقلّو يقدّم عَ الشهادة اللبنانية! 🤨

***

مقتطف من حديث عضو المجلس السياسي في التيار الوطني الحرّ وديع عقل، لقناة الـ”OTV” ضمن برنامج “حوار اليوم”: (12 حزيران 2019)

(1) أفضلية السوري عَ اللبناني 🤨
– في 300 ولد لبناني منعوا من التقديم عَ الشهادة بحجة وراق المدرسة مش مزبوطة، ومجلس وزرا بِ 28 شباط 2019، في من وزارة التربية بقرار رقم 52:

“طلب الموافقة على تمكين التلامذة الذين تابعوا دراستهم في الجمهورية العربية السورية، أو في أي دولة أخرى خارج لبنان، والتلامذة السوريين وسواهم من سائر الجنسيات، من التقدم الى الإمتحانات الرسمية في العام 2019 للشهادتين المتوسطة والثانوية العامة، بفروعها الأربعة، وإن كان متعذراً عليهم تأمين المستندات المطلوبة أساساً لقبول ترشيحهم”.

– السوري بيِقدِر يقدّم فحص “بروفيه” و “بكالوريا” ويعمل اللي بدّو ياه، وإبن بلدنا لبنان شرحطوه قدام وزارة التربية… يروح ينضبّ وزير التربية..

– صرخة الناس مبارح وجّعتنا.. وقفو بقا غنج عَ اللبنانيي.. 👍

(2) تحية للمستقبل 👌
– مدير عام التربية اليوم عَم ياخود تعويضات 81 مليون ليرة.. (بميزانية التقشّف)
– بدّي أحيي ست من تيار المستقبل لو مش من سياستي، لأنها شريفة، وهي معينّة جديد بوزارة التربية، يللي رفضت انو تاخود ملايين (81 مليون ليرة.. ) وقالت: ما بدّي المصريات، باخود نصُن.. عم ناخود مصاري مش مقابل الشغل اللي عَم نعملو.. وما بدها هالقد.. 😉
– قال بيِجي الصبح بكير الساعة 4 الصبح، بيمضو المسابقة حتى يطبعوها.. 🙂

****هذا الإعلام السخيف، التافه، يللي بيِقعُد يركّب تركيبات كل الوقت، وشوفو وين الفضايح بمالية لبنان****

(3) ريفي ومحكمة التمييز ⚖
– معليه بدّي قولها، أحسن ما يزعلو مني المشاهدين، فخامة الرئيس يتبوأ الإحتفال.. وداعيين أشرف ريفي.. ما بالأول يروح عَ الدعاوى رافض يمتثل أمام المحكمة.. !!

– الله يرحم اللي أسس محكمة التمييز، وين أحكام محكمة التمييز.. خلصنا ما أنا محامي، ورفقاتنا كلُن محامين، اقل ملف بالتمييز بيقعُد 7-8 سنين حتى ينظرو فيه.. بطء وعدالة بطيئة، وهالشي قالها رئيس الجمهورية.. هيدي بطلّت عدالة 😔

https://youtu.be/b2o6Akk3rak

( OTV – حوار اليوم ، 12 حزيران 2019 – الجزء 2)