– رسالة مريم الصوفانية̣: وحدة الكنيسة والعيلة.. 🕯

* ♰ *

مقتطفات من حديث السيدة ميرنا الأخرس نظّور ضمن برنامج “متلي متلك” مع الإعلامي وسام بريدي عَ قناة الـ”mtv”، وموضوع الحلقة راسلة الظهورات السيدة العذراء في الصوفانية في باب توما – دمشق: (حزيران 2019)

 

(1) البداية/ رشح الزيت
♰ لاحظت على يديّ يوجد شيء لزج… وعم ينقّط عَ الأرض.. متل شخص عَم يعرق ولكن بقوة.. شمَيتو طلع كأنو زيت زيتون..
♰ صرت أتطلّع حواليّ من وين؟ صارو اللي حَواليّ يقولو هيدي نعمة من عند الله، أنا بوقتا خفت كتير…
♰ من طبيعة الزيت إذا كانو 3 أشخاص بيمسَحو 3 اشخاص، وإذا 5000 شخص، بيمسَحو 5000 شخص، وميزتو للزيت إنو لما حللوه، ما بطبّع بتاخود بالقطنة زيت، بتشوفها ناشفة ولكن فيها زيت..

(2) 27 ت2 – 1982
♰ بهالنهار نعيّد سنوياً ذكرى سيدة الصوفانية (العدرا).. كنت عم أتطلع بالصورة بسمَع صوت ست بالغرفة، وقالتلي:

🕯 إبنتي ماري، لا تخافي انا معك، إفتحي الأبواب، لا تحرمي أحد من رؤيتي، أضيئي لي شمعة 🕯

♰ نحَجزت بهالغرفة بقميص نوم ، وبِ Robe.. لحين مجيء سيادة البطريرك للروم الأرثوذكس، بس أمر نقل الصورة عَ الكنيسة، بعد شهر.. وكنت بنفس قميص النوم.. ما قدرت أوصل عَ خزانتي أد ما كان في عالم.. وكان يوصَلني صحن الأكل، يا كاس ماي، أو كانو بيِنسوني..

♰ بهالوقت كل الناس دققت، والشرطة.. بوقتا وزير الدفاع مصطفى طلاس قال: نحنا منفتخر إنّو بسورية يكون في عنا “لورد- الشرق” 👍

♰ كانت الشرطة هيّي اللي عَم تنظّم عملية الدخول للمنزل.. لأنو بوقتا صار في منع للتجمّعات، وكان في خوف كبير من الانفجارات، لأنو صار في 3 – 4 انفجارات من الأخوان المسلمين 😔

(3) ظهور العدرا
♰ 15 ك1 ، شعرت بإيد عَ كتفي اليمين عَم يدفَعني.. صوب السطح.. يللي بأكّد ظهور العدرا شكلها.. وجود النور والثوب الأبيض والزنار الأزرق..

♰ 18 ك1 ، مجرّد شعرت بإيد عَ كتفي ركضت عَ السطح.. أوّل جملة قالتا العدرا :

🕯أبنائي، أذكروا الله لأن الله معنا.. 🕯

♰ الظهور الخامس كتير مهم.. كان عيد ليلة البشارة، 24 آذار 1983.. وكان آخر ظهور للعدرا… وكل مرة بتظهر العدرا كان في مسبحة بإيدا ، والرسالة تقول:

🕯الكنيسة هي ملكوت السمَوات على الأرض، من قسّمها أخطأ، ومن فرِحَ بتقسيمها فقد أخطأ.

بناها يسوع كانت صغيرة، وعندما كبُرَت إنقسمت، ومن قسَّمها ليس فيه محبة، صلّوا، صلّوا، وصلّوا.

ما أجمل أبنائي راكعين طالبين. لا تخافوا أنا معكم.

لا تتفرقوا مثل تفريق الكبار، فأنتم ستعلمّون الأجيال كلمة الوحدة والمحبة والإيمان 🕯

(4) وحدة الكنيسة/ العيلة ⛪
♰ ووحدة عيد الفصح خطوة بهالإتجاه.. (خطوة ومش الوحدة) وأهم من وحدة الكنيسة وحدة العَيلة..
♰ من هيك الرب اختار ميرنا المزوجة..

(5) الإنخطاف

♰ حصل 37 مرة.. وبيبدأ بس نكون عَم نصلّي.. وفجأة بصير ينزل زيت من وجي وإيديّ
♰ بالإنخطاف بشوف نور، وبقلب النور بشوف العدرا، وبتحمّلني رسالة.. وبضل هالنور فيّي لوقت أنا أعطيهم الرسالة
♰ بالإنخطاف أيضاً بشوف يسوع، لكن ما بشوف شكلو.. بشوف جسم نوراني، وأول جملة قلي:

🕯أنا البداية والنهاية. انا الحق والحرية والسلام. سلامي أعطيكم 🕯

♰ العدرا صوتا بيطلَع منا.. بس يسوع لاق، بقلُن عَم إسمعو من كلّي.. كيف ما بَرَمت بسمع صوتو، مش من هالنور اللي عم شوفو

(6) جروحات المسيح

♰ كانت تظهر الجروحات بسنوات وحدة عيد الفصح.. وكانت تبيّن عَ الإيدَين والقدمين وخاصرتي وراسي.. وحصلت سنوات 1984 – 1987 – 1990 – 2001 – 2004

♰ انا بقول، لو نحنا فعلاً مؤمنين بالإنجيل، ما كان بحاجة يسوع يِحكي معنا ولا العدرا 👌

(7) سبت النور 2017
♰ بعد توقف الظهورات والإنخطافات 16 سنة، نزل زيت… وحسينا الموضوع وكأنو من جديد..

♰ الرسالة إجت من بعد الأزمة اللي عشناها بسنة 2014 (أحداث سورية) وقال المسيح:

🕯الجراح التي نزفت على هذه الأرض، هي عينها الجراح التي في جسدي، لأن السبب والمُسبِّب واحد. ولكن كونوا على ثقة بأن مصيرهم مثل مصير يهوذا 🕯

(8) سقوط الصاروخ
♰ وقع عَ البيت، بِ 14 نيسان 2014، وكنا عَم نصلّي صلاة المسبحة، وكان أبونا الياس زحلاوي موجود.
♰ الساعة 5 بلشنا المسبحة. بتالت بيت منسمَع صوت مخيف لدرجة الناس بتفترق عن بعضا… وواصل مطرح ما نحنا عَم نصلّي، ووقّف، وجِمِد وما نفَجَر..

♰ الشرطة شافت شي أحمر.. إجا تنان من يللي بفككو تفجيرات.. المفاجأة إنو الصاروخ بعدو سخن، حطو كفوف حتى حملو.. وطلع إنّو شي الأحمر اللي شافوه هوي عبارة عن مسبحة لافَة عَ الصاروخ🕯
♰ الصاروخ فتّت الحجر، سقف والأوضة خِربت.. المفروض أقلّه إنو المسبحة تدوب على حرارة الصاروخ يا تنقطع.. 🤔

س: من وين إجت المسبحة❓

♰ المسبحة كانت معلقّة بالأوضة.. وأنا أكيدة إنّو هدِّت الصاروخ. وصلاة المسبحة هدِّت الصاروخ. بس المفاجأة كانت، بس كنا عَم نتبارك منا ونبوسا، ونشكر ربنا عَ خلاصنا.. انتبهت إنّو المسبحة فيها 7 أبيات
♰ تفاجأت إنو بسلوفاكيا ، لما عَزَمني رئيس أساقفة سلوفاكيا (أول شخص بيعمِل مزار لسيدة الصوفانية بالغرب) وهوي اللي دعاني حتى روح عَ روما وقابل قداسة البابا..
♰ رئيس أساقفة سلوفاكيا، بوقتا أخدني عَ مزار شفيعة سلوفاكيا، وإسما “أم الأوجاع” ومسبحتها 7 أبيات مش 5.. وهيك صرنا نصلي مسبحة الأوجاع 🕯

https://www.facebook.com/agoraleaks/videos/2322563357803820/?__xts__[0]=68.ARDw3WoVNlNsjYOhq3Y3tJKTG3kmYl7NxbyCdG6Nyv9a8yWvDmaDcgTqww89TQj3EK-OTQv7Kye56CAPqIoaFbrM0Ot39qVDoA2z_eY6geHcBTxFgalRn5eLNWgT-5QwnRd0nA870kxHXagY9DYJHKw_5Y9z2SfEBBAFZAtkbdyXVLY8DUtRkgJ74scxvWYszl_X_z_42u0f9NIaX90YoKtEK6LzaqP5W2YOxifq6Iq40fMR5B4OYdMqljRqAZhQmCqC42iLhHxb75g6EJDwu1pxbNmA207A–7mr0u2djqRnCrVDJwV7Kz0fCBIc0fspKAQFZBVTJbFzajY1HxxdY0fiv6z7w1LQHZfRg&__tn__=-R