بالفيديو – باسيل من بعبدا وحقيقة ليه الهجوم عالتيار⁉ شو صار بالبقاع الغربي⁉

– ما رح يكسرو التيار، بس تسمعوُن عرفو وضعنا بخير، في عصفورية قدامنا جنّت..👆
– عن تفاهم الأقوياء والوِقواق الضعيف.. 😀 بدأنا زعزعة نظام الفساد، واللواء عثمان منو أكبر من الحريري 😉 

***

مقتطف من حديث رئيس التيار الوطني الحرّ جبران باسيل، ضمن جولة له في قضاء بعبدا – الشياح: (2 حزيران 2019)

ليه الهجوم عَ التيار ⁉

1- التفاهم
– دفع التيار الوطني الحر بالماضي واليوم عم يدفع ورح يضل يدفع بالمستقبل، لأنو نموذج مختلف عن الجميع ببناء الدولة
– ثمرة الحفاظ على التفاهم الرئاسي ليس الحفاظ على الفساد بلبنان، ولا تسوية بموضوع ضرب الفساد 👆
– نحنا مع تفاهم الأقوياء مع بعض، مش تفاهم الضعفاء، حتى يكون لبنان قوي، وما منقبل يكون شريكنا الاّ قوي.. لأنو نحنا منقوا فيه، وهوي بيقوا فينا 😉

2- مواجهة الفساد
– التيار بدأ يزعزع منظومة الفساد بالبلد.. وكشفنا بمجلس الوزرا ****عَ القليلي للوزراء التلاتين**** قديه نحنا ما في محرّمات، وهيدا سبب الإنزعاج 😉 ويبلشو عنا، وما في غطا عَ حدا وما في حماية لحدا.. والأيام الجايي رح تفَرجي انو التيار ورئيس الجمهورية ما بغطو فاسد، وما بيحمو فاسد 👊

3 – تمدّد التيار ✔
– شي طبيعي نحنا بشهر رمضان، نشارك او نقوم بنشاطات وحفلات رمضانية، البارحة كان في إفطار للتيار بطرابلس، ورحنا عَ البقاع الغربي، وعملنا إفطار مركزي للتيار للمنتسبين 👆

– إنزعجوا انو يكون التيار في اكتر من 4000 بطاقة منتسب من الطوائف الإسلامية، وهني بدُن ياه تيار مسيحي.. 👊

****شو صار بلقاء البقاع الغربي⁉****
– اللي قلناه، إنو المسلمين بالتيار نلاقيهم قدام المسيحيي عم يدافعو عن حقوق المسيحيين لما يُمسّ فيها، والمسيحيين بالتيار منلاقيهُن قدام المسلمين عم يدافعو عن حقوقُن إذا مُسّ فيها 🇱🇧

– تصورو إذا أنا عَم إعمل لقاء مع شخصيات سنية، حتى حاورهم بالبقاع الغربي، برأيكم مش حتى إتقرّب منُن، وحتى صلّح الصورة المعطاة الُن غلط بالإعلام⁉ معقول إحكيهُن بشي بيزعج 😀 ونتيجة اللقاء كان التقارب، وبعرِف شو حكيوني بس خلصنا.. وشو حكيو وشو كتبو بعدان.. 😉

ليه الإزعاج أيضاً⁉
– عم يقولو فهمنا يمثّل التيار أكترية المسيحيي، وقبلنا.. 😉 بس كمان بدو يفوت عَ المسلمين ويصير يحكي بحقوق المسلمين والطايفة العلوية وتمثيلها، وبموضوع النازحين اللي أكتر مناطق مزعوجة فيه عكار والبقاع.. 🤔

– المطلوب من التيار عدم التقرّب من المناطق الإسلامية😉😂 ولذلك اليوم الإفتراء بكلام تضليلي.. بيخترعو خبر عني، وبيخترعو جملة، وببلشو يعملو ردود عليها..
* شي عن أساتذة
* شي عن سنية سياسية
* شي إنو بدنا نشيل مدير عام قوى الأمن الداخلي

ومنروح عالمقامات الروحية، ومنصير نِحكي عن كرامة الطايفة، ونختلق مشكلة مش موجودة، لأنو الكلام مش موجود من أساسو.. 😔

شو الموجود🕯⁉

– أولاً – العماد عون منو إبن المارونية السياسية حتى يربينا عليها.. وما رح ترجع المارونية السياسية، لأنو البلد ما بينبنى لا على مارونية سياسية، ولا على سنية سياسية، ولا على شيعية سياسية

– ثانياً – التيار إبن الميثاقية يللي تضم الموارنة والسنة والشيعة والدروز والعلوي والأرثوذكسي وكل الناس 🇱🇧

– لذلك نؤكد للجميع، نحنا منحكي بالميثاقية، وصحيح:
* نقاتل لها * وشايفين حالنا فيها * وأعدنا باسمها حقوق * وردينا فيا كرامة.. وبالبلد ما رح تلاقو غير التيار الوطني الحر المدافع الأول عن حقوق اللبنانيي، متل وقت إستشهاد رفيق الحريري، وحرب تموز 👆

4 – اللواء عثمان
– ولا يوم بقلب التيار أو خارجو، بالمباشر أو بغير المباشر، او مع الحريري حكينا بموضوع تغيير اللواء عثمان لكن ،
هالشي لا يعني انو حتى يحاول يخضعنا، بأمر ما قلناه، حتى يمارس علينا تهويل أو ضغط.. لكن ،
مدير عام القوى الأمن الداخلي ما بحقلو يكون أعلى من رئيس الحكومة ويمضي رخص بناء، ورخص آبار، ومرامل 😉

(الخلاصة)
– ما حدا رح يكسر التيار الوطني الحرّ.. رغم كل النهار تحريض.. واختلاق أمور.. هالحَملات كلها بس تسمَعوها إرتاحو، وعرفو إنو وضعنا بألف خير 👆
– في عصفورية قدامنا جنّت 😀 وما فيشي بيقدرو يبتزونا فيه.. ورح نعمل مشكل مع كل العالم بدها تمد إيدها علينا وعالبلد.. 🇱🇧
– أد ما يكترو نحنا أكتر، وأد ما يقوو نحنا أقوى.. واللي بدو يحكينا بالطائفية يتفضل يلاقينا عالدولة المدنية، والمتضررين المنتفعين الصغار الموقوقين رح يضلو يوقوقوا.. 😂

https://youtu.be/LK68dnP-Dbs