بالفيديو – سكارليت حداد: قسم من حكي السياسة نوع من Sport منتسلّى ومنكب أخبار غلط

– بتمنى عَ السياسيي ما ينطو دغري عالتعليق، قبل ما يتأكدو.. والهجوم عَ باسيل أصاب الحريري

***

مقتطف من حديث الإعلامية سكارليت حداد، لقناة الـ”nbn”، ضمن برنامج “السياسة اليوم”: (1 حزيران 2019)

(1) الوقائع
– بالوقائع كان في ندوة عاملا أستاذ ميشال أبو نجم بزحلة ضمن جولة الوزير باسيل عَ البقاع، والمحضر مدوّن ما في أبداً الكلام المنسوب لرئيس التيار، وإنو بدُن ياخدو حقوق غيرُن أو غير طوائف
– من سنة 2005 لهلق.. يللي عم يقولو التيار نحنا بدنا نعيد الشراكة بين كل الطوائف، يعني أبداً ما في نية لحدا ياخود مطرح التاني، وأصلاً هالحَكي مش واقعي
– أنا ما كنت موجودة بالإجتماع، بس أنا متل ما بَعرِف التيار الوطني الحر، بدن إعادة الشراكة، لأنو المسيحيين من فترة التسعينات كانو مهمشين.. وأنا أتعجب من شخص مخضرم كالوزير المشنوق كيف بعلّق على شي مش مثبّت إنو مِنقال..؟؟

(2) تمني
– إذا بدنا نقضيها تعليق على اشيا مش مثبتة، يعني عَم نخرب بلدنا بإيدنا
– بتمنى عَ كل السياسيين ما ينطو دغري على التعليق، قبل ما يتأكدو من الكلام، لأنو عَم نِخلق جو سلبي

(3) تشويش عَ الحريري
– بيت القصيد برأيي الهجوم على الوزير باسيل، يصيب سعد الحريري، وإنو عَم يفرّط بحقوق الطايفة السنية، وبما إنو الحريري منّو هون… منخلق جو من البلبلة وبركي منِعمِل شوية زعامة

س: وهل التسوية مهددة؟
– منا مهددة، كلن ملاقيين مصلحتُن فيها، والبلد مصلحتو فيها، والرئيس الحريري عندو حصتو فيا..

(4) عثمان
س: وماذا عن كلام باسيل بخصوص اللواء عماد عثمان؟
سكارليت حداد: ما بعرف إذا قالها، شو يعني عن أوساط مطلعة. إذا الوزير باسيل بدو يقضي وقتو ينفي، ما بيعمل شي.. الحكي السياسي المش مزبوط صار نوع من Sport، وتسلاية، يللا منتسلّى ونكب خبرية غلط..

https://youtu.be/uSwFb09MiZI

(السياسة اليوم – nbn، حزيران1 – 2019)