Agoraleaks Agoraleaks
مقتطفات من حديث النائب نبيل نقولا لقناة الـ”mtv” ضمن برنامج بيروت اليوم:
- ما دام باقي هذا المجلس بالشكل اللي هوي فيه، انا بقلك انو ما رح نقدر نغيّر شي
- لهذا السبب نحنا عم نعوّل على حكومة تقوم بقانون انتخابي جديد، وتُشرف على الإنتخابات، لهذا السبب نحنا بالنسبي لإلنا، قلناها ليست هذه الحكومة هي حكومة العهد ولا هيي حكومة التغيير والإصلاح
- الثنائية السنية المسيحية كيف بتكون طائفية، كل واحد بزتّ الكلمي يللي بدو ياها، واذا صرنا بحديث هيدا قال كلمة، وهيدا ردّ عليه، مش هيدي الأمور بتخلي العهد ينجح
- اليوم نحنا بالنسبة كتكتل تغيير وكتيار وطني حر، اجا رئيس من رحم الشعب اللبناني،والشعب اللبناني هلل بمجيئو، اذا بعض الأفرقاء ما بدن يقشعو بكونو هني اليوم ما زالو بالخط اللي كان مرسوم لإلهم بالسابق، ويللي هوي تعطيل أشغال اللبنانيين، وتعطيل اعمال الدولة اللبنانية
- بدن يفهمو هيدا الرئيس الجمهورية يللي بدو يعطّلو عمل العهد، بكونو هنّي عم يعطّلو اعمال اللبنانيي وفرحة اللبنانيين وأشغالن
ورداً على سؤال عن قبول القوى السياسية بتغيير قانون الستين، قال نقولا:
- اذا رايحين عَ قانون الستين، انا بقلك ما منكون غيرنا شي
- منكون عم نمدد بطريقة مبطنّة للمجلس النواب الحالي، لأنو شو رح يتغيّر
- بيتغيّر اسم واسم، ما بيتغيّر شي ، وساعتا رح يكون عهد مليء بالمشاكل، لأنو الفكر يللي عندو الرئيس عون بالنسبة للإصلاح ما بيتناسب أبداً مع تركيبة المجلس النيابي الحالي
