– الأب اثناسيوس شهوان: متمسكون أن يكون الفصح بعد فصح اليهود..
– الأب مارتن عيد: دعوة البابوات للوحدة مستمرة.. 

* ♰ *

مقتطف من حوار بين المسؤول عن الإنتاج في المركز الأورثوذكسي للإعلام الأب أثناسيوس شهوان، والراهب المريمي مارتن عيد، ضمن برنامج “بيروت اليوم، أجرته الإعلامية دنيز رحمة فخري، حول مسألة توحيد عيد الفصح بين الكنيستين الأرثوذكسية والكاتوليكة، عَ قناة الـ”mtv” ضمن برنامج “بيروت اليوم”: (27 نيسان 2019)

(1) الأب أثناسيوس شهوان ✝
– اللي عَم نشوفو بتاريخ الكنيسة مش في يسوع واحد، في مئات… متل ما في ألوف من اليهوذا 😞
– نحنا بضعفنا البشري، نخلق كذا مسيح إنطلاقاً من تفسيراتنا.. ولكن هوي واحد ✔

دنيز رحمة: ليه رافضين توحيد عيد الفصح⁉
الأب أثناسيوس: نحنا بعدنا متمسكين، بالمجمع المسكوني الأول، حتى ما يجي الفصح قبل فصح اليهود.. اليوم مثلاً عيدّو هذاالعام بِ 17 وخلصو بِ 27.. بدّو يخلص عيد اليهود حتى نعيّد لأنو الفصح اليهودي هوي رمز مش حقيقة.. 👌 الحقيقة هيي يسوع ، وما فينا نعيّد للحقيقة نرجع نعيّد للرمز 🎯

(2) الأب مارتن عيد ✝
– نحنا متحدين اليوم بمعموديتنا، بيسوع المسيح.. يسوع ما إجا كرمال يأسس كنيسة كاتوليكية، أو أورثوذكسية، أو دين حتى..👏
– يسوع إجا كرمال الإنسان بحدّ ذاتو ويرجع يردّ العلاقة بينو وبين الله 🎯
– يمكن ببعض المرات نسقط عن خطأ، والكنيسة سقطت عن خطأ بإنو نكون عَم نبدّي الأمور الطقسية عن الأمور اللاهوتية 💯
– البابا غريغوريوس يدعو العلم يعطي رأيو بالموضوع، وصرنا نتبّع مع مفهوم الإنسانية وصار في بعض التعديلات، وصار في تأخير بالسنة القمرية.. 👌
– البابوات أطلقوا دعوات الى أشقائهم الأرثوذكس، كرمال نوحّد العيد، وما زالت حتى اليوم عالقة 🤔

(معوقات)
– كل كنيسة لديها بعض المعوقات.. صحيح البابا يوحنا بولس الثاني من الموارنة توحيد عيد الفصح بإقامته مع الأورثوذكس.. عَ أساس في أنطاكيا الأكثرية أورثوذكس ؛

ولكن..
الواحد بدّو يتطلّع من الجهتين.. المسيح منّو متعصّب، وما حلو التعصّب.. كمان عندن مشكلة الكنيسة المارونية بهيدا الإتجاه، إنّو إذا عيدّو اليوم بلبنان مع الأورثوذكس، شو بيِعملو بالمهاجرين الموارنة الموجودين في الخارج..؟؟ 👏 والبابوات بدءاً من البابا يوحنا بولس ثاني، مروراً بالبابا بنديكتوس 16 وصولاً الى البابا فرنسيس كل جهودهم متجهة الى تلاقي الكنائس وتوحيد عيد الفصح، ولكن الطابة عند الكنيسة الأورثوذكسية، سيما أنّ بطريرك روسيا كيريل رفض مسألة توحيد عيد الفصح، من ترك المجال نهائياً مغلقاً..

https://youtu.be/wOFVCtRtr0s

( حوار بين المسؤول عن الإنتاج في المركز الأورثوذكسي للإعلام الأب أثناسيوس شهوان، والراهب المريمي مارتن عيد، “mtv” – بيروت اليوم 27 نيسان 2019)