بالفيديو – إنتخابات طرابلس – مواقف ديما جمالي/ مصباح الأحدب/ أحمد الحريري/ محمد الصفدي/ فيصل كرامي/ عمر السيد/ يحيى مولود 🎯

– مشكل عند الناخبين مش مع الرئيس الحريري مع كل السياسيين 💯

***

موجز مواقف السياسيين المعنيين في الإنتخابات الفرعية في طرابلس: (14 نيسان 2019) 

– ديما جمالي: طرابلس أثبتت مرة جديدة قديه هيّي وفية للرئيس الحريري، وقديه بتحبّو، وقديه متمسكة بديما جمالي ليعطوني ثقة مرة تانية، و13% نسبة ممتازة بإنتخابات فرعية.. واليوم طرابلس بتحبّ الحياة وعندا أمل، وبدها تغيير، وهيدا كلّو مسؤولية بتوقع علينا 👌

– مصباح الأحدب: الكل إجا عَ طرابلس وشاف الوضع والإستياء من قبل أهلا، وما تحرّك عَ أساس مرتبط بأمور مالية، وهالمرة ما نطرحت.. وصناديق المسيحيين في طرابلس قاطعت، وهالشي يثبت إنّو الشغل عَ المستوى الإجتماعي مش زابط 💯

– أحمد الحريري: يللي ما إنتخبوا، بدنا نوقف عَ خاطرُن، وبدنا نسأل ليه ما إنتخبوا، وبدنا نجرّب سنة 2022 نقنع جزء كبير ينتخب، ومكنة المستقبل كانت تتوقع نسبة المشاركة تتراوح ما بين 10-12% 🤚

– محمد الصفدي: في مشكل عند الناخبين بطرابلس مش مع الرئيس الحريري مع كل السياسيين 💯 وشافو بالسنين الماضية إنو لم يحقق أي سياسي أي شيء لصالح المدينة 🤔

– عمر السيد: المستقبل عامل عجقة كبيرة، وجايبين شخصيات طويلة عريضة يعني الأسلحة التقيلة بوج مين؟؟ بوج مرشحين متكلين على حالُن…👌

– فيصل كرامي: في مقاطعة والمزاج العام بالمدينة مقاطع 👌

– يحيى مولود: نحنا موجودين، وفي خيار معارض، والناس عَم تاخود هيدا الخيار ، وبعتقد إنو وجودنا خطوة إيجابية وهيي خطوة أولى لنقدر نرجّع لطرابلس صورتها الحقيقية، وأكيد طرابلس منّا لون واحد حتى لو إجتمعت معظم الفرقاء السياسيين بدعم شخص واحد 🙏

https://youtu.be/gkXSHf9Bekc

(الإنتخابات الفرعية في طرابلس – 14 نيسان 2019)