✝ تعوا نعمل متل الصغار… (مارينا شليطا) 🙏

سأل أحد الصحفيين ممثلة فرنسية شهيرة: شو سرّ فرحك الدائم.. ما عندك مشكلة.. !!

ابتسمت وجاوبته: أكيد عندي كتير مشاكل، وكل يوم يصادفني مصاعب عديدة، بس لمّا أوقع بمشكلة، بفكّر بكل يللّي بحبّوني، وبفكّر بعينيّ الله السهرانة عليّ.. وساعتها بضلّ فرحانة لمّا بحسّ يلّي عندي أكبر بكتير من المشكلة بحدّ ذاتها..

مين منّا ما بعاني من بعض المشاكل؟؟

ولكن للأسف، كتار بضلّن واقفين قدام مشكلتن، وقلال اللي بفتشو عن حل الها..

* ♰ *

تعوا اليوم بهالصوم، نطلّع صوب الله، اللي قادر يحوّل كل مشاكلنا لفرصة، للسير صوبه بسرعة ولخلاص نفسنا…

تعوا بهالصوم تكبر ثقتنا اكبر، متل الطفل لمّا يعجز عن إيجاد حلّ لمشكلته، كيف بيلتجي وبسرعة لأهلو…

تعوا اليوم نقرّر إنو نطلّع بهالنهار بإيجابية، وثقة الأبناء إنو في عين سهرانة علينا، وقادرة تعطينا الأفضل، وهيك من كون عم نوزّع فرح حوالينا رغم كل المشاكل…