بالفيديو – نهاد الشامي عن المسيح المصلوب الحَي اللي باسِتلو إجريه.. “نقول مع آلامك يا يسوع بدل آخ آخ..” 🙏 ✝ (Video)

– كلام من ذهب للسيدة نهاد الشامي: عن الصبر والصيام وليه هيّي مش غيرا..!! ✝ 🙏 

* ♰ *

“كلام من ذهب، السيدة نهاد الشامي: بسيط بساطة أطفال الروح، وعميق. عمق الإيمان الحي – السهرة الإنجيلية في منزل السيدة نهاد الشامي، العلامة الحيّة لحضور الرب في العالم.” (نيسان 2019)

تقول:

https://youtu.be/ngiK0X5J81k

الصلاة

• الساعة الستة، كنا نصلّي زنقول طلبة العدرا، (وأنا ما بَعرِف إقرا) وتراتيل العدرا ونصلّي..
• كان بيتي تراب بالجبل.. بقلي سعد الكبير فيُن.. ماما ليه ما بتصلّي تَ ربنا يرزقنا بيت حلو.. متل بيت جدي ، وبيت خالاتي..
  قلتلو: ماما إيه الحق معك، بس الصلا هيّي اللي بتِجبلنا.. إنتو صلّوا، وشوفو وين بِتصيرو.. بس تباع ربنا والله، ربنا ما بيتركنا، هوي خلقنا وهوي يصطفل فينا..
• شو ما جدّ علّي كنت قل، لتكن مشيئتك يا رب… أنا كتير مرق عليي أمور صعبة، خدتا بروح حلوة… ماما بهالإيام عندكم أمور صعبة، بس خِدوها بروح حلوة..

الصيام

• كنّا ولاد يصَومونا.. بيضة المَسلوقَة ما يخلّونا ناكلها.. هيدا الصيام، مش إنو بشرب فنجان قهوة، وبشرب ماي.. لاق..
• نصوم عن البياض، وعن كلشي بالبيت.. كلشي سلق وقلي..
• المسيح صام 40 يوم.. لا ماي ولا أكل ولا شي.. هيدا صيام نحنا عَم نصومو..!! قبل الضو بدها تشرب كباية ماي، وفنجان قهوة..

الحياة المسيحية

• يللي بدّو يلحق المسيح عنجدّ… بدو يلحقو بكل قلب محروق.. يقلو: يا رب إنتا عطيني الصبر، وما عوز حدا غير ولادي.. ترَبيهُن معي، وتحطّ إيدك معي..
• كل ما خلق ولد عندي، قلا يا عدرا أنا متعبدتلك، متل ما حمِلتي يسوع، حملي هالطفل معي، إنتي ربّيه.. والعدرا ما تركتني الحمدالله..

الصبر

• وقت نعَملِت عمَليتي، قلي مار شربل، بواسطة العرا ويسوع نعَملِت عمليتك.. إنو ربنا ما بيِتركنا.. بياخود وقت..
•  في كتار بِقولولك، عَم نِطلب، وعَم نصلّي.. ليش إنتي ربنا عطاكي، وأنا ما بيِسمَعلي..!! لاق الو أوقات بيِسمَع ربنا..؟؟ 

المسيح المصلوب

• مرة شفِت يسوع مصلوب.. قلتلو: دخيلك، يا ريت (كنت بوقت الأعجوبة) طِلعَت هيك بيسوع المصلوب، وقلت، ” أخ لو فيني أوصل عليه ” وبستو عَ إجريه..
• ما شِفت حالي الاّ وصرت تحت إجريه، طبّيت عَ إجريه، بعدو حَيْ.. بِستلو إجريه، وقلتلو: دخيلك وَجعّني بجروحاتي متل ما إنت عَم تتوجّع.. أنا مش عَم بتوجّع من الخطايا..
• بينتش إيدو يا أبونا.. وبلش الدم يشرّ.. قلي: يا إخت نهاد، إنتي قلك 40 سنة وتقولي، مع آلامك يا يسوع، مع آلامك يا يسوع.. قديه تعذبتي هلق إنتي علامة عَ الأرض.. هيدي من يسوع هالكلمة..
• اليوم ما بقا حدا يتحمّل آخ آخ..
  مَرجوعنا لربنا لأنو هَالدني ما فيها شي.. أَد ما تتأنى وتِعمِل.. كلشي بضلّ مطرحو..

عن صفحة الأب طوني خوري