Agoraleaks Agoraleaks
نحنا ضدّ الستين وإذا منحطّ الخريطة قدامنا، بعتقد بتعيد النتايج مع إضافة بسيطة، القوات والتيار ضدّو.
مقتطفات من حديث النائب حكمت ديب لقناة الـ”LBC” ضمن برنامج “نهاركم سعيد”:
- ستفرمل تقليعة العهد في حال ما كان في قانون انتخابي جديد
- شعبياً قانون الستين مرفوض، يجب إعادة تكوين سلطة موجودي لأنو يعتريها خلل كبير وظالم لكتير ناس وبكل الطوائف
وعن كلام قبول التيار والقوات لقانون الستين لأنه يفيدهما مع اتفاقهما، قال ديب:
- ابداً هذا الكلام غير صحيح، إذا منحطّ الخريطة قدامنا، بعتقد بتعيد النتايج مع إضافة بسيطة، بس تحكي بالنسبية منحكي بمدّ جسور وتواصل بين الطوائف، وبيخلق كتير من الاستقرار على المستوى السياسي والإجتماعي
- لن نقبل بالستين، واكتر يللي واجهو النظام الوصاية السورية ويللي نحنا منن، كوننا رفضنا الوصاية بكل ما أوتي لنا من قوة، وهلق مع خروجو منقول للذين صارو سياديين جدد، انو إذا بدكم ترفضو كل أشكال الوصاية وكل افرازاتا ونتايجا، بترفضو القوانين الانتخابية يللي بتعيد نفس الطبقة السياسية
- منخاطب القوى السياسية اللي مع لبنان أولاً، قانون الستين من افرازات الوصاية، اليوم الشعب لازم يقول كلمتو، وبراهن انو في هالنية عند الأطراف الأخرى
- نحنا انتقلنا تدريجياً من مرحلة سيئة الى أخرى افضل، ووصول العماد عون الى رئاسة الجمهورية ليس وصول شخص العماد عون، بل هي وصول مبادئو وطروحاتو، صار في تحول جذري.
يعلّق الإعلامي مالك الشريف: ولكن وصول العماد عون الى سدّة الرئاسة الأولى، لم يأت من عدم، اتى من موقع سياسي اكبر من موقع الرئاسة، يقول ديب:
- يسلم تمّك، هيدا هوي الإنجاز، قياساً لما كان يحصل قبل. متل وصول رؤساء ولا تمثيل شعبي ولا حتى نيابي
- مع الرئيس عون حطينا زيح قد يدوم، وفي استدامة وكُرّس عرف ومنطق جديد.. موقع رئاسة الجمهورية يجب ان يُمثّل المسيحيين
