Agoraleaks Agoraleaks
تحليل استراتيجي عن التحولات بالعالم واوروبا حتى عام 2025.. وداعش “Blackwater” لتنفيذ اجندات جيوسياسية.
مقتطفات من حديث المحلل الإستراتيجي جمال واكيم لقناة المنار، ضمن برنامج “حدث اليوم”:
- الدراسات الإستراتيجية الموضوعية تكشف أنّه في العام 2025 سيصبح العالم متعدد الأقطاب، بحيث تصبح اميركا قطب من عدة أقطاب كروسيا والصين والهند والبرازيل
- ايران ستكون قوة إقليمية عظمى بحكم موقعا الإستراتيجي.. سيما بغرب آسيا
- جنوب افريقيا سيكون الها دور مهم جداً بحكم انا صلة الوصل ما بين المحيط الأطلسي والمحيط الهندي
ورداً على سؤال عن دور أوروبا، يقول واكيم ممازحاً:
- ودّع هواك وانساني، واللي فات ما يرجع تاني
- أوروبا وضعا عم يتراجع رغم انو هيي كتلة اقتصادية ضخمة، ولكن التوقعات من قرن من الزمن الى الآن، من 100 سنة تقريباً، في كاتب بالعلم الجيوسياسي مؤثر جداً بالولايات المتحدة، من أصول هنغارية، “اميل رايخ” كتب عن أوروبا انو اكثر ما يمكن ان تصبح إليه في المستقبل “يونان جديد” يعني بوتقة ثقافية
- اليوم لم يعد فيشي اسمو وحدة اوروبية، ومن قبل خروج بريطانيا، مع الأزمات اليونانية والإيطالية والإسبانية، وطبعاً مع تآمر فرنسا مع الأمركيين ضدّ المانيا
- عماد أي دور أوروبي مستقبلي مستقل هوي المانيا، بال 2004 سلمو الفرنسيين للتفوق الأميركي وانو بكونو اعوانن بغرب أوروبا ضدّ الإلمان
- مع طرح جيش اوروبي، بقولو الإلمان للأوروبيي نحنا عنا هيكلية، جيبو جيوشكم ضموها لجيشنا، هيدا الشي نبّه الإميركي وهيدا يللي الروسي عم تنضرّ مصالحو باوروا الشرقية، يمكن يكون احتمالات التقارب بينو مع الأميركي مستقبلاً هيي لإعادة تقاسم النفوذ باوروبا وفقاً مقررات يالطا بعد الحرب العالمية التانية.
ورداً على سؤال إمكانية الهدوء في سورية والمنطقة العربية قبل 2015 وحصول توازن دولي بين الأقطاب الدولية، ردّ واكيم:
- رح تشهد الأمور وتيرة مختلفة، بتتصعّد شوي، بتخفّ شوي. ولكن لن يكون هناك من حلول جدية بالتحديد في سورية بمعزل عن الملفات الأخرى
- بالتفاوض بدو يكون في اتفاق على عدة أمور وقضايا
- التوقعات حول اميركا، انه قد لا يُقدم دونالد ترامب والإدارة تبعو على اختراقات جدية بالولاية الأولى، قد نشهد تصعيد بالفترة المقبلة يترافق مع انو إدارة ترامب بدها تحدد جدول اعمال بكل ملف، وبدها تعمل تصعيد لتدفع الأمور لحدّا الأقصى، ت تقدر وين بدها تقدم تنازلات متبادلة هني والروس
- وحول قول ترامب لداعش، مين يللي طلع “داعش” انو هيي موجودي من 1000 سنة، ما هي طلعت باـ2012 – 2013، البعض بقول انو اسم داعش “Blackwater” وهيي تستخدم كنمط من أنماط غير المتوازنة في حروب الوكالة، وباستخدام الجماعات غير الحكومية في القتال
- الأزمة الأساسية، بالصراع هوي استخدام الإرهاب كآداة من أدوات تنفيذ أجندات “الجيو السياسية”
