بالفيديو – باسيل يدعو اللبنانيي الإمتثال بأهل بدارو.. وشو منقول للناس لما مطرانية ومشيخة بدّا تأجر أرضا للنازحين⁉

– معامل الكهربا وقفّن الروح القدس ما هيك..؟؟ 😉

***

مقتطف من حديث رئيس التيار الوطني الحرّ جبران باسيل في بدارو، أثناء جولته في دائرتي بيروت الأولى والثانية: (6 نيسان 2019)

(1) الحقوق
– بحقّلُّن أهل بيروت متل كل اللبنانيين يفكرو بالأفكار الكبيرة ✔ وإذا حكينا عَنا بقولو عَم تِحلمو، وإذا ما حكينا عنّا بصراحة منكون رجعيين 😉

– تخيلو بيروت العاصمة تنقصها الماي، وليه؟؟؟
معارضين إقامة السدود.. بدكم تضلكن تعانوا.. لأنو بحجّة البيئة، يمتطي حدا سياسياً عَ البيئة، حتى يخرّب ويعرقل ويوقّف.. وهوي بِكون عَم يقاتل حتى يقطع ملايين الشجر، وبعد شوي بصير قلبو عَ 5 آلاف شجرة، ورح ينزرع 50 ألف محلُّن.. 👈

(2) العرقلة 😞
– عم يسألو وين العرقلة..!! ومعامل الكهربا والمحطات ما نعَملو من الروح القدس وقفو، مش من العرقلة السياسية 🤔
– في ناس عَم تمنع عنا الإنماء الطبيعي..

(3) أهل بيروت
– قديه هالعاصة تستقبل ناس.. وهيدي طبيعة كل العواصم.. ولكن تخيلّوا إنّو العاصمة قديه طلّعت ولادها لخارجها، للسكن وللحياة 😞
– إنقطاع الروح عنا أوقات بتصير لأنو أهلها عَم يتركوها نتيجة الغلا..
– ولمّا طالبنا بالـ”ميغا-سنتر” كان مطلب حقيقي، لأنو لما بتكون نسبة الإقتراع هالقد منخفضة لازم نسهّل لأهلا المشاركة.. ✔

(4) النزوح ولجنة تجار بدارو 🇱🇧
– فيها بيروت تستقبل ناس، بس ما فيهُن يحلّو محلُّن.. 💯
– شو خوفنا الحقيقي، يتوطنو ناس ، ويتجرو الأصيلين 👈

– ما في حجة عند حدا ما يواجه إنسانياً ووطنياً هيدي الظاهرة.. وهيدا المثل اليوم من بدارو.. من لجنة تجار بدارو، خدو منا العبرة 💯
– ما في محل ببدارو مخالفة للقانون وبشغلوها نازحين.. ✔
– وكمان البلديات فيها تمنع.. وهيدي كمان من صلاحية المحافظ 👌

– لما الناس بتشوف إنو في مطرانية وفي مشيخة بدّن يأجرو أرضن ويقعدو فيها النازحين شو بدنا نطلب من الناس 😉

– ليه عَم تزيد بطالتنا ⁉ ليه عم يتراجع إقتصادنا ⁉ لأنو مسؤولينا مش بس مش عم يمارسو صلاحياتُ، ويتخلّو عنّا.. عم يمارسو صلاحياتُن حتى يضغطو عَ المحافظين وعَ البلديات وعَ الناس حتى يثبتو النزوح.. 😞

(الخلاصة)
حافظوا عَ هويتنا وعيشوا لبنانيتنا، نستضيف ونستقبل بس ما منتخلّى عن ذاتنا وهويتنا 🇱🇧

https://youtu.be/yOP_v9JdHLE