بالفيديو – عون للجالية اللبنانية بروسيا: لبنان وسع الكون.. قلب للغرب وعقل للشرق حتى يضل الإنسان إنسان مش آلة 🇱🇧

– الشعب اللبناني جاهز حتى يخوض حرب المقاومة لقيامة الإقتصاد والمؤسسات👆

***

مقتطف من كلام فخامة رئيس الجمهورية العماد ميشال عون للجالية اللبنانية في روسيا إثر زيارته لها: (25 آذار 2019)

(1) الإنطلاقة
– إنتخُبت بمرحلة كانت صعبة من تاريخ لبنان، تقريباً كانت المؤسسات مشلولة ✔
– الإرث الإقتصادي كان تقيل علينا، وكانو المُخربين الإرهابيين محتلين قسم من جبل لبنان الشرقي 👈

(2) بدأنا.. ✔
– كانت الهموم كبيرة، بلشنا نِجلِيا هَمْ ورا هَم
– لبنان اليوم يمرّ بحالة صعبة، ولكن.. نعمل للخروج منها وهيدا مش مستحيل 👆
– الشعب اللبناني جاهز حتى يخوض حرب المقاومة لقيامة الإقتصاد والمؤسسات 👆

(3) دور لبنان 🇱🇧
– العالم الغربي جاف ، لذلك قلنا إنّو لبنان والشرق الأوسط، والمشرق هوي قلب للغرب.. ولبنان هوي عقل للشرق.. 🇱🇧
– إذاً إنتو العقل اللي عَم يِبرُم عَ كل الحضارات، وإنتو عَم تِغنو لبنان بحضاراتو، وبنظرتو العقلانية ونظرتو الفكرية، وهوي بيِغنيكُن بالعاطفة المشرقية، وهَيك الإنسان بضلّ إنسان، ما بصير آلة.. 👌

(4) الهجرة
– كنتو عَم تهاجرو.. وكأنو قَطَعتو الأمل من علاقة مع وطنُن ، نحنا رجعنا أحيَيناها بفضل معالي وزير الخارجية، يللي بَرَم دول العالم كلها، ومعو شفنا إنّو لبنان وسع الكون… 🇱🇧
– سميّنا لبنان الكوني.. لأنو بالفعل بين القطبين الجنوبي والشمالي.. 🇱🇧 وإنتو اللبنانيي بروسيا قسم من المنتشرين نتمنى عليكم ومنِتمنى عليكم تضلّو معلقين بوطنكم، وتضلكم تزوروه، وتكوون موجودين معنا بكل المناسبات✔
– وطنكم مناخو حلو كتير.. 👆

https://www.youtube.com/watch?v=zpAYsO8VTn8

(25 آذار 2019)