بالفيديو – روك مهنا: إذا بس عَ التذكرة مسيحي، بلاه وبلا هالمسيحية🙏 ما رح نغطّي أي فاسد لو من التيار 👆

– نرفض المثالثة، وفشر يدعَسونا، إنطلقنا مناضلين طلاب، مش تَنتعامل الا من الندّ للندّ 👆

***

كلمة مسؤول المكتب التربوي في التيار الوطني الحرّ روك مهنا، خلال لقائه أساتذة التيار في دير مشموشة في جزين:

(1) الجنوب 🇱🇧
– نحنا اليوم موجودين بالجنوب، منطقة المقاومة من كل النواحي ✔
– نحنا كمكتب تربوي مصرين عَ الاهتمام بالأطراف، يللي فيها غبن حقيقي من كل النواحي وخصوصاً الغبن التربوي 😞

(2) الجامعة اللبنانية
– نحنا ولاد الجامعة اللبنانية، وجامعتنا الوطنية أهّم من كل الجامعات الخاصة👌 لأنّو هيي جامعة الفقير 🙏
– عَم نشتغل عَ المدرسة الرسمية، والمدرسة التكيميلية، وعالجامعة اللبنانية، ولازم تكون من صلب الجنوب، ومش بس لطايفة واحدة 👌

(3) تعهّد ✔
– الكل معني بالجامعة اللبنانية، وإذا في خلل بدنا نزبطو 👆
– ما حدن يطلب منا أكتر من المطلوب، نتعهّد قدام الجميع، ما رح نغطّي لا مسؤول ولا غير مسؤول من التيار إذا كان فاسد 👆

(4) الغبن
– أكلنا كفوف أوقات، لأنو أخدنا مواقف وطنية وميثاقية
– عَم نشتغل عَ إعادة التوازن الطائفي، بجميع القطاعات التربوية، وانسحبنا من رابطتين:
أ – رابطة التعليم الجامعي
ب رابطة التعليم لمهني
لأنو في خلل وفي فرض للمثالثة.. بدُّن يِدعسونا فشرت عَ رَقبتُن، وعَ رقبة اللي أكبر منُن..

– نحنا إنطلقنا من مناضلين بالطلاب، وتبهدلنا مش حتى اليوم نوصَل وحدَن يتعامل معنا الاّ من الندّ للندّ.. 👆

(5) إنجازات ✅
– لأول مرة قدرنا وصّلنا 7 عمداء من التيار الوطني الحر من أصل 20..
– قدرنا نعمل معركة كتير شرسة لإعادة التوازن الطائفي الحقيقي 😉
– ما منِقبل مسيحي مرتهن ولا مسلم مُرتهن حتى نِدعمو ونِمشي فيه ✔
– يا الشخص عندو قرارو يا بلاه وبلا وجودو.. إذا بس عَ التذكرة طايفتو مسيحي، بلاه وبلا هالمسيحية.. 🙏

– بدّو يكون مقاوم فعلي.. 👆

– نحنا كتيار وطني حرّ، بدنا نوازي ونعادل بين مطالب الأساتذة وبين البلد ما ينهار.. كل الأساتذة عندا مطالب، ومطالبها محقة.. طيب شو منِعمِل، منَعطي المطالب كلها سوا وبيِفرط البلد 🤔

https://youtu.be/sM2x6BDrvKk

(مسؤول قطاع التربية في التيار الوطني الحر – دير مشموشة – جزين ، آذار 2019)