بالفيديو – الرئيس عون يرفع سقف المواجهة.. ما في حصانة لحدا 👆

– أنا نموذج للمتهم الأكبر بلبنان أخدت حقي بالقضاء كل واحد يُتهّم مجبور يمثل أمام القضاء، أو في مشكلة كبيري 👆

***

مقتطف من حديث فخامة الرئيس ميشال عون في خلال حفل اطلاق الحملة الوطنية لاستنهاض الاقتصاد اللبناني في قصر بعبدا: (18 آذار 2019)

(1) مواجهة الفساد
– الفساد هوي أكبر شي مضرّ بلبنان ، عمِل رخاء للفاسدين والمُفسدين، ولكن عمِل شقاء يللي عَم يدفعو الضرايب، ومش عَم ياخدو الخدمات اللازمة المستحقّة 💯
– هلق بدأت معركة الفساد، والعهد اللي قطعتو عَ نفسي، معركة الفساد بدها تبدأ ونشالله قبل هلال رمضان اللي جايي، بدنا نكون صححنا قسم كبير منها..

(2) الإعتراضات
– عَم نسمع كتير إعتراضات، بهالمعركة ما في حصانة لحدا 👆
– 15 سنة بالنفي، ما في رئيس جمهورية ورئيس حكومة راح للخارج وبالداخل… بس يُأسل عني، الاّ ويقولو عندي ملف مالي.. والقضاة اللي هون بيَعرفو إنّو الملف ما كان فيشي.. رغم براءتي ما توسطّت حدا حتى آخود براءتي.. 👆
– حتى التيار الوطني الحرّ اللي كان عَم يتظاهر ويقاوم كل يوم الوجود السوري، وصيتو، إيّاه ثم إيّاه أن يتظاهر ويطالب ببراءتي، وبس جيت لهون ورجعت أخدت براءتي من القضاء.. ✔

– أنا نموذج للمتهم الأكبر بلبنان، وكل واحد يُتهّم مجبور يمثل أمام القضاء، أو منكون أمام مشكلة كبيري 👆

(3) الإقتصاد
– الشعب اللبناني لازم ينتقل الى شعب مقاوم، مش دايماً المقاومة بتكون للحريات والإستقلال والسيادة، تعودنا عليا وعطينا دم فيِا.. نحنا اليوم بدنا نعمل مقاومة لتحصين إقتصادنا 🇱🇧

https://youtu.be/guqbS3meo8Y

(عون خلال حفل اطلاق الحملة الوطنية لاستنهاض الاقتصاد اللبناني في قصر بعبدا 18 آذار 2019)