بالفيديو – الحريري: حزب الله والمستقبل مش رايحين بوجّ بعض.. رايحين ينهو الفساد مع التيار والكلّ (Video)

– في بروكسل أنا أمثل لبنان وبهيدا الملف ممنوع يكون في خلاف سياسي فيه..

***

مقتطف من حديث رئيس الحكومة سعد الحريري من قصر بعبدا، إثر لقائه فخامة رئيس الجمهورية العماد عون: (12 آذار 2019)

حكيت مع فخامة الرئيس المواضيع التالية:

(1) الزيارة الى السعودية
– في قرارا سعودي حتى يعود مجيئن عَ لبنان وأيضاً نشالله الدول الأخرى يكون في إلها كمان نفس الموقف، وفي متابعة لتوثيق العلاقات الإقتصادية

(2) الذهاب الى بروكسل
– رايحين لهونيك، لأنو في عنا أزمة نازحين
– بدنا يرجعو مبارح قبل اليوم..
– رح ناقش إمكانية تطوير الموقف، فيما يخصّ النازحين، وهيدا ما بصير بيوم وليلة

(3) الفساد
– ناقشنا محاربة الفساد والهدر، وهوي ملف أساسي، موقف فخامة الرئيس وموقفي وموقف الرئيس بري، موقف واحد
– ما رح يكون في تغطية لأي شخص، مين ما كان يكون
– كلنا أحزاب موجودين بالبلد، عارفين يمكن يكون في بعض القريبين لبعض الأحزاب..

* الأسئلة *
(1) بروكسل وعدم ذهاب الوزير غريب..؟؟
الحريري: رئيس الوزراء هوّي بمثّل لبنان، وهوّي يللي بيِحكي باسم لبنان، وهوّي بيهتم بهيدا الشأن.. في شوية لغط بالموضوع.. مش معناتا أنا لا أريد وزير يروح أو ما يروح..

– اللغط السياسي ما بدّي ياه يصير.. بهيدا الملف ممنوع يكون في خلاف سياسي فيه وأيضاً ما حدا يلعب عَ هيدا الوتر.. لسوء الحظ في بيان طلِع، أنا كرئيس وزارة مش رح إقبل بالموضوع، ونقطة عَ السطر

(2) الفساد
– هيدي الحكومة عمرا شهر، ورح تحارب الفساد، ورح يكون في ناس يوقعو بقبضة القضاء
– ما بدنا بهالملف حدا يسيسو.. وقطع الحساب رح يروح عَ مجلس النواب، ورَح نشوف ما يُدعّى من إرتكابات”..
– بالسابق، كان في خلاف سياسي حاد بين كل الأفرقاء، خاصة بين 14 و 8 آذار، ولكن بعد مجيء فخامة الرئيس عون خلطنا الأوراق بالبلد، ولذلك عَم نشوف التفاهمات بالبلد اللي عَم تكون منيحة لمصلحة البلد..
– اللي مُرتكب مُرتكب.. واللي مش مُرتكب مش مُرتكب، ونقطة عَ السطر..

– هيدا مش تحدّي سياسي بين فريق وفريق.. بالسابق كان تحدّي

(الخلاصة)
– حزب الله أو المستقبل مش رايحين بوجّ بعض حتى يقول إنتي فاسد وهيدا فاسد.. لاق رايحين حتى ننهي الفساد بالبلد مع التيار الوطني الحرّ والقوات اللبنانية والكلّ…

https://youtu.be/ktKRdVA_lBI

( قصر بعبدا – 12 آذار 2019)