بالفيديو – بري والإنقلاب عَ مبادئ حركة أمل (الجزء1): محمود أبو حمدان “بري مش اله وغلطان بالنمرة”..

– غازي كنعان مسايرةً لبري هددني بالقتال بكل ضيع البقاع…😞

***

مقتطف من حديث الوزير السابق والنائب السابق محمود أبو حمدان لقناة “الجديد”، ضمن برنامج “الحدث” – الجزء 1: (9 آذار 2019)

(1) إعتذار
– بدّي إعتذر من الإمام الصدر، من القادة الشهداء، من داوود محمود ، محمد سعد وكل القادة.. 🙏
– مضطرّ دافِع عن حالي اليوم، لأنّو البادي أظلم ، وسَكتنا سنة 2003 و 2005 عَ أساس البلد مقسوم، والظروف وخطنا السياسي عم يتعرّض 😞
– نحنا بالآخر حركيينن ووصلنا بدم الشهدا نواب ووزراء… ماشي لو نظلم الواحد… 👆
بس…
هالعَنجهية إنو توصل لمرحلة الدوس عَ كرامات الناس هيك بهالسهولة.. بِعتقِد غلطان بالنمرة الرئيس بري.. 👈

(2) بري اله…😲
– تعرفنا عَ الرئيس بري بحركة أمل، ما منَعرفو قبل، ومش هوي خلقنا
– في عنصر بتنظيم بينطرد، من دون رقابة وتحقيق 🤔

قالولي: شو باك، ليه صار هيك مع الرئيس بري..؟؟
قلتلُن: نَصَّب حالو الرئيس بري، اله للحركة، ونحنا رفضنا نِعبدو.. 🤔

ولأنو قضية الإمام الصدر، أقدس من إنّو أنا أو غيري يتاجر فِيا.. سكتنا كل هالوقت.. 🎯

(3) الخلاف
– صار في إنتخابات بالحركة سنة 2003.. هوّي قرّرها.. وفكرو كان يضعفنا بالإنتخابات..
– بالبقاع في 120 عضو لزام يُنتخبو.. ولا عضو طِلِع في يمون عليه..؟؟ 😉
– جيت إترشّح كمسؤول الحركة بالبقاع.. جينا عَ الاجتماع، كان الأخ أيوب حميد مترأس الاجتماع، سألنا وين الأخ نبيه.. قلّي حميّد:

* الأخ نبيه حردان، إنّو كيف نحنا ربحنا إنتخابات..
* خيفان منّك بموضوع التنظيم.. 😯

– قلتلو: متل ما خاف منّك مرة، ومنع نتائج الإنتخابات، وصار بدو الهيئة التنفيذية على ذوقو، والاّ بيستقيل.. 🤔 وجاب الشيخ عبد الأمير يِعمِل وسايِط حتى ألغى نتائج الإنتخابات… مش أوّل مرّة..

على أيّة حال، عَم يقول: النواب ما بيِنسَمَحلُن يترشحو… أنا ما بدّي نائب، بدّي إترشّح مسؤول تنظيم للحركة بالبقاع..

– تاني يوم بتَلفنلي غازي كنعان (مكتبو) : بقلي أبو يعرب بحاجة الك… طلِعت: بقلي ممنوع تترشّح للمسؤولية التنظيمية بالحركة بالبقاع، وإذا ترشحّت أنا غازي كنعان، بقاتلك من ضيعة لضيعة… 😲

– قلتلّو ليه.. هيدا موضوع داخلي..؟؟
– قلّي: هوّي بَعَتلي، إنّو ما في عليك… 😁

(الخلاصة)
طبعاً شعرت أنا ، إنّو هيدا الزلمي لو ترشحت، ما رح يِقبَل.. ورَح يخرّب الحركة.. ورَح يقولو الناس، اللي أنا قاتلت معُن، وضحّيت معُن، والشهداء والناس… يا خيي “الأخ محمود” يحيِّد عَشان مسؤوليتو رَح يخرّب الحركة..

أنا حيدّت، وقلتلو: ما بدّي ولا مسؤولية.. راح (بري) عمِل مؤتمر، هوّي كان خسران إقليم (جبل عامل، البقاع، ونص إقليم بيروت) وربحان إقليم النبطية… وعمِل القيادة اللي بدّو ياها، وزقفتلو الناس..

وصار يقول بري: “إذا بيِفتَح تمّو بفللو من الحركة” 🤥

https://youtu.be/9NJbUq54ntc

(وزير ونائب سابق، وقيادي من حركة أمل – الجديد، برنامج الحدث، 9 آذار 2019)