بالفيديو – أنطوان قليموس: شو بينفعنا قاضي نضيف، وكفوء إذا ما عندو جرأة..✔

– منِفهم الحريري يطلع يدافع عن السنيورة، مش المفتي لأنو موضوع قضائي مالي ⚖

***

مقتطف من حديث رئيس الرابطة المارونية انطوان قليموس، لقناة الـ”OTV”، ضمن برنامج “حوار اليوم”: (6 آذار 2019)

(1) دريان
– المجتمع بيفرز حالو، وإذا منتركلو الخيارات عم يلفظ السيء..✔
– مع إحترامي للسماحة المفتي اللي بحترمو.. ويللي هوّي إنسان مميز على المستوى الوطني..
– كنت أتمنى ما يخوص بهالموضوع، ومش معناتا ما يخوض يعني الرئيس السنيورة مرتكب لا سمح الله أو مسؤول.. هيدا موضوع القضاء بقولو.. ⚖
– منفهم الرئيس الحريري يطلع يدافع عن السنيورة، او أي شخص من كتلة المستقبل يدافع عن السنيورة، هيدا موضوع سياسي ومالي.. 👆
– لو كان الموضوع استهداف صلاحيات الطائفة السنية، بالنظام اللبناني يللي عم نعيشو اليوم، بفهم أن ينبري المفتي دريان بالدفاع عن صلاحيات رئيس الحكومة، لأنو بعدنا بنظام طائفي لسوء الحظ 😔

(2) وقت الإصلاح
– وقت فتح الملفات كل تكّة وقتو..
– ما حدا يحاول يستأثر إنّو نحنا بس عم نفتح الفساد

(3) لقاء الرئيس
– كان موضوع حديثي مع فخامة الرئيس، وكنا عن نحكي عن التشكيلات اللي سيعينهم مجلس الوزراء، يجب ان تُنتج صدمة إيجابية بالمجتمع اللبناني ✔
– التشكيلات القضائية هي محور بمحاربة الفساد.. وهالشي يعني بدّك تفَرجي الناس، إنّو نحنا فتشنا على:

* النظيف
* الكفوء
* الجريء

شو بينفعنا قاضي نضيف، وكفوء إذا ما عندو جرأة النطق قناعتو، ومن هيك ما فينا نبرّر قول إنّو في شخص عَ أحد الأجهزة القضائية في شخص نضيف بس ما يخلّو وعَم يعرقلو..

يستقيل… ويكشف الأمور للرأي العام 👆

https://youtu.be/apIeR8U_JDQ

(حوار اليوم ، otv – آذار 7، 2019)