خاص – “الكلمة”: تصليح آلة موسيقية.. (Audio)

✝ ما نِفقُد الأمل بذاتنا، وبالآخرين… (مارينا شليطا) 🙏

كان غني عِندو آلة موسيقية غالية على قلبو، أصابا تلف كبير، وما عادِت تعطي الألحان ذاتا..

جَرّب يَعطيا لكتير من الأشخاص المتخصصين، بس الكلّ عِجزو عن إصلاحا،

بالنهاية بعتا عند حَدَن، وما بيِقطع وقت كتير، حتى رَجعّا متل ما كانت..

تفاجأ الغني، كيف قِدِر هالشخص يِصلحا بهالسهولة، بالوقت اللي عِجِز الكتار عن هالموضوع، جاوَبو: السبب بسيط، انا اللي قِمتْ بصناعة هالآلة الموسيقية من زمن بعيد..

***

تعوا اليوم بهالصوم نِتذكّر إنو مطرح ما الكلّ بيفشل عن إصلاح أي ضعف، او خلل فينا، بيبقا في إيد جبلتنا بحُب قادرة تصنع هالمعجزة..

تعوا اليوم، ما نِفقُد الأمل لا بذاتنا، ولا بالآخرين، لأنو اللي بكون مستحيل معنا، بكون أكيد عند الله، لأنه الله المحبة، قادر يغيّر حتى اللي ما بيِتغيّر..