بالفيديو – سمير جعجع يفنّد بالحجج حكم القاضية جوني: أنصفت القوات ولكن غلّبت حكمها الخاص..✔

– ما في عقد بيع بين القوات والضاهر، وفي قرار لمجلس الشورى إنّو القوات قبل الحلّ هي نفسا.. يعني.. 💯

***

مقتطف من حديث رئيس القوات سمير جعجع لقناة الـ”mtv” بعد صدور الحكم القضائي حول ملكية قناة الـ”LBC”: (النشرة المسائية 28 شباط 2019)

(1) نية جوني
– نية القاضية جوني سليمة، بس متل كل شخص عندو اتجاه سياسي معيّن ✔
– يمكن عندا آراء سياسية، وطغيو عَ الحكم..

(2) ليه..؟؟
– الجوهر اللي مدعييّن فيه عَ بيار الضاهر، عَطيتنا ياه بالقانون.. وتقول: التلفزيون أُسِّس من قبل القوات اللبنانية ومال الصندوق الوطني، وأقرّت بالحكم تبعها بتناقضات بيار ضاهر بكافة إفاداتو 🤔
– أقرّت أهم شي، إنّو لم يحصل أي عملية بيع ✔ إذاً عَ أي أساس بيار الضاهر يدعّي إنّو التلفزيون صار الو.. عَ أساس في عملية بيع تمّت بينو وبيني.. 💯
– إذا التلفزيون أسستو القوات وما صار في عملية بيع.. إذا سألنا ولد عمرو 5 سنين، لمين بكون التلفزيون.. ⁉

(3) س: تعتبر إنّو القوات لا يحقّ لها بالتملّك، لأنها ميليشيا ؟؟
جعجع: القاضية جوني هلق هوي من صلاحيتها تحاكمنا من سنة 1975 ولسنة 1990، إذا الدولة وحدا الها حق.. 💯 ما نحنا كل صراعنا حتى يكون الها حق وحدا تملّك السلاح

(4) أسئلة ⚖
– أنا كنت تلميذ طب بجامعة الــ”aub”، وما كنت يا سعادة القاضية قاعِد عَ الطريق وما عندي شغلة 👌
– أنا ورفاقي، وواحد منُن صار رئيس للجمهورية ✔
– إذا ميليشيا ما بحقلها تتملك، وبحقلها تجيب رئيس للجمهورية ✔
– إذا إفترضنا إنّو بوقتا ما بحقلنا نتملّك… بس هلق بحقلنا يكون عنّا 15 نايب و 4 وزراء بالسلطة يللي حضرتا قاضية فِيا ⁉ وما بحقلنا نتملّك شغلة كانت ألنا 😔

(5) خلفية القاضية
– س: مش معترفة إنّو القوات هيدي إستمرارية للقوات قبل..؟؟
– جعجع: بس هون مش راجعة الي أو للقاضية جوني، في قرار لمجلس شورى الدولة مأكد إنّو الحزب الحالي هوي استمرارية للحزب اللي كان قبل الحلّ، وللتنظيم المسلّح اللي كان موجود ✅

(6) عدم إنسجام
– وُجد بيار الضاهر بالـ”lbc” لأنو القوات اللبنانية حَطتو.. وإذا اعترفت إنّو ما صار في عملية بيع.. يعني بيار الضاهر ما إشترى lbc.. إذاً هالملكية معتبرتا مشاع أو ملكية عامة.. وإنّو آخدين المصاري من الناس.. ما هنّي ذاتُن للمصاري من الناس عَم تجي تعطيهُن لبيار الضاهر.. ⁉
– لو منسجمة مع نفسا، كانت قالت، وبالتالي لازم يروح التلفزيون للدولة مثلاً..

س: لما تقول، إنّو القرار سياسي، أو مش قانوني.. هل تلمح الى تدخلات؟
جعجع: لاق، هيي القاضية جوني من الاساس مش معتبرة بأي تنظيم مسلّح، ولا بكلشي صار بلبنان، ولا بانو صار حرب بلبنان 👌 هيدي الطَعجة اللي طغيت عليها..

س: لو كانت وزارة العدل مع القوات اللبنانية، كان الحكم نفسو برأيك؟
جعجع: بعتقد إيه.. أعتقد إنّو هيدا الرأي الشخصي للقاضية بالذات ✔

س: هل تتوقعون بالإستئناف تبدّل؟؟
جعجع: معلوم، لأنو الحكم الأساسي اللي صار عنّا ياه، بحكم إنّو ما تمّت أية عملية بيع.. وهيدا أساس الدعوة كلها ⚖

https://youtu.be/DI2BOYRULsk