بالفيديو – الأب مروان خوري: بذرة “النعمة” بدنا نسقيها بالصلا 🙏 ونغذيها بالقربان 💒 وننقيها بالإعتراف 🙏 ونسهر عليا من إبليس.. ✝

– النمو المسيحي مش حماس..  🙏

***

مقتطف من كلام الراهب المريمي الأب مروان خوري ضمن برنامج “ما أطيب الربّ” عَ قناة “نورسات”: (28 شباط 2019)

(1) الحماس لا يكفي
– بدنا ننتبه للحماس يللي ما الو مطرج بقاموس الرب، بدنا نَعرِف حياة الله هيّي نمو يومي ، ومنّو عمل سحري
– ما فينا نزرع بذرة، وتاني نهار نروح بدنا نقطف.. بقطف “بذرة” إعتنيت فِيا وسقيتا وسهرت عليها، وتعبت.. وذات الشي بالملكوت 🙏
– بدُن يعرفو أحباءنا نعمة الله تنمو فينا ✝

(2) النمو
– بروحو مشوار حج على مديوغورية، بيِرجعو بفكّرو فتنا بالقداسة.. يا عمّي العدرا هونيك زرعت بذرة، بس بدنا نشتغل عَ نمو هالبذرة 🙏
– البذرة بدنا نسقيها بالصلا 🙏 وبدنا نغذيها بالقربان ⛪ وبدنا ننقيها بالإعتراف🙏 وبدنا نسهر عليا من إبليس ما يفوت من جديد يزرع زؤانو، او يبلش يزرع كبريائو بداخلنا، حتى يحوّل قلبنا الى صخر ✝

(3) المسيحية ⛪
– هيّي سمكتين و5 أرغفة، وقالولو الرسل ليسوع: إصرف الجموع لئلا ينهارو، الُن يومين لاحقينك بلا أكل..!!

– قلُّن يسوع: أعطوهم أنتم ليأكلوا..؟؟
– قالولو: ما معنا.. والجمع كبير..

– قال يسوع: قَدمولي اللي معكم.. وعَطيو سمكتين و5 أرغفة و باركُن وطَعمو 5 آلاف إنسان وبقي..

– المسيحية هيّي قدّم هالفقر اللي بقلبي للرب،
وامنح قلبي يللي ما بيعرِف يحب..
وعقلي اللي ما بيعرف يفكّر، ومنّو ذكي..
ولساني يللي ما بيَعرِف يِحكي.. وإرادتي الضعيفة..
هودي هنّي السمكتين والخمسة أرغفة.. لنطلب يباركن الرب، وساعتها منشوف من خلالُن كيف الله بيِقلِب إجتماعات، ويطَعمي شعوب جيعانة للحقيقة، ويخلّص نفوس غاطسة بالخطية 🙏

– لذلك يقول مار بولس، إختار الله جهلاء هذا العالم ليُفحم الحكماء، واختار الضعفاء ليخزي الأقوياء..

– إذا اطلعّنا الى شخصية بطرس، حتى نَعرِف كيف نعمة الله كيف بتِنما ؟؟ بِتلاقي إنسان إختارو الرب معدوم، مملكتو كانت شختورة ويروح يتصيّد فيها سمك.. بيوصفو أعمال الرسل،

🙏 عندما كان يمرّ بطرس بالشوارع، كان الناس يضعون المرضى على جوانب الطرقات، ليمرّ خيالو، وخيال بطرس كان يشفيُن.. ✝

https://youtu.be/uylNuUPf1jw