بالفيديو – الأب ميشال فضول عن سيدة مزيارة وإعجوبة الشتي بشهر آب 1905💒

– الجدّة وتوسيع الكنيسة لَيساعو ولاد إبنا الوحيد.. واليوم عندو 107 بيمضو “فاضي” و 165 من 3 بنات🙏

***

1) الأب يوسف فضول
– سنة 1905 هدّو الكنيسة الصغيرة، وبلشو بعمار الكنيسة الكبيرة، بشهر آب سنة بطّل في ماي، حتى ميّة النهر “مارت مورا” جفّ.. فطلبو من العدرا المساعدة..
– غيّمت الدني بشهر آب، وإجت غيمة كبيرة، وشتّت عَ بيرين (3) مَوجدين بالطرف الشمالي والغربي للكنيسة، وعبّت البئران بالماي، وكفّو بناء الكنيسة ✝ هيدي من أروع القصص وكل كبار بالسنّ بيِحكو فيها 🙏

2) ميشال الفاضي
– ستّي خبرتني لمّا كنت صغير.. لما بلشو بتمعير الكنيسة،
– قالِتلُن: ليه مصَغرين الكنيسة..
– قالولا: بدنا أرض وبنا مصاري.. وكان عنّا حدّ الكنيسة صارَين نزرعُن.. عطيتُن ياهُن..
– قالولا: والصارَين بدّن مصاري..
– سألتُن: قديه بدكُن مصاري.. قالولا: بدُّن 40 دهباية..
– عَطيِتُن 40 دهباية والصارَين حتى وسّعوا الكنيسة.. وهالشي لأنو قالِتلُن: بكرا الكنيسة ما بِتساع ولاد إبني..
🙏 ونحنا هلق من بَي وِحداني.. عندو 107 بيمضو فاضي، وبعَيطولو “يا جدّي” 🙏 ومن عدا 3 بنات عندُن 165 ولد.. وكل هالشي من شخص وحيد 🙏
يعني هالشي طَلبتو تنفّذ بإذن العدرا ✝

3) الأخوة
– المزياري اللي ساعد ببناء الكنيسة، وبالماي اللي جابوها.. هيّي تفاعل المزياري مع الآخر 🙏
– أنت بحاجة لللآخر حتى تصل الى الملكوت، والمسيحي المزياري، في شخصية مسيحية عن تشتغل، وما في شخصية فردية 💯

(سلّم عَ السما – عبدو الحلو ، شباط 2019)

https://youtu.be/CrMpM40BATM