بالفيديو – سمير قسطنطين: بلبنان Mr Ten Percent صار 30-40%😔 وآدومية مواجهة الفساد بيقدِر يعملا 3 اشخاص..

– الأعمال المستقيمة أعمال ذكية وبِتجيب مصاري👆 يمكن السيّد حسن ما يخلّي عندو صديق 👆

***

مقتطف من حديث مدير مؤسسة “وزنات” الدكتور سمير قسطنطين، لقناة الـ”OTV”، ضمن برنامج “حوار اليوم”: (الجزء 1، شباط 2019)

1) الفساد
– أخطر تأثير هوّي الشعور عند الشباب إنّو ما بتِقدَر تغيّر ✔
– طريق الآدومية بمواجهة الفساد، بلبنان في 3-4 أشخاص إذا هنّي بياخدو قرار لن نغطّي أيٍّ من الفاسدين، بيوقف الفساد 💯
– دايماً في فساد، بس ولا مرّة كان هالقد وقح وواسع ، واليوم التركيبة الفاسدة بدها تِنضَرَب
– الفساد بلبنان مش حجمو مثلاً تستفيد بِ 20 – 30 ألف $ من مشروع.. بالزمان كان في أح الأشخاص إسمو Mr Ten Percent.. بلبنان “المستر” 30% و 40% 😔

2) المواجهة
– خِدني أد عقلاتي، إذا الحريري وبري ورئيس التيار الوطني الحرّ قررو يكافحو الفساد كاشخاص، ((( ما هوي لبنان هالقد مهَرهِر سياسياً ))) لدرجة إنّو 3 اشخاص بيِقدرو يوَقفو ويهذبو الفساد 💯
– إذا هالأشخاص بوقفو كلشي مشكوك فيه عبر إحالة كلشي للنيابات العامة، بأكّدلك إنّو الفساد بيِنزَل من 100% لـ 20% خلال 3 اشهر👆

3) السيستام
مثل: مجلس الإنماء والإعمار هل يجوز إنّو هنّي يوافقو عَ المشروع، وبيعمِلو هنّي الدراسة، وهنّي اللي بِنقّو المهندس أو الشركة، وهنّي بيدفعو للناس، وهنّي براقبو..

– في مثل إنكليزي، يقول: الأعمال اللي هيّي شريفة ومستقيمة، هيّي أعمال ذكية، ومش بس قصة أخلاقية.. لأنّو الناس بتوثق فيك أكتر، وبتحبّ تشتغل معك اكتر، وساعتا بتِعمِل مال أكتر 💯 وأهمية هالمال إنّك عَم تِعملو بحلال 👌

4) حزب الله
– أعتقد إنّو حزب الله أخد قرارو بمحاربة الفساد، ولكن ما أخد قرارو بمحاربتو محاربة شاملة
– يمكن السيّد حسن ما يخلّي عندو صديق، من ورا مواجهة الفساد، ولا حليف.. وإذا بدُّن يِمشو فيه للآخر، برأيي ساعِتها هنّي بِكونو الإصلاح والتغيير 👆

5) عتب
– إنا إذا عندي عتب عَ الإصلاح والتغيير، إنّو:
أولاً : ما لازم يغيرو إسمُن
ثانياً : فعلاً لازم يخوضو معركة الإصلاح والتغيير، ما بيِكفي نقول عَم نخوضا.. بالآخر إنتا بدّك تكون “ناطور” المفاتيح.. ما بطّل في ناس.. 😔

https://youtu.be/pcJyWy8clHQ