بالفيديو – الأب سمير غاوي – دير مار مارون: مع احترامي لكل الضِيَع، متل “مجدل معوش” ما شفت.. 🙏

– اشخاص بيِجو بقولولنا “أنا نادر، بدّي اشتغل بالأرض أو نادِر إرعى الغنمات.. نادر كنّس الكنيسة.. وصايمين.. 🙏

***

مقطف فيديو من وثائقي عن دير مار مارون – مجدل معوش، ورئيس الدير الأب سمير غاوي:

1) عودة الأهالي ✝
– كان الدير مزدهر الى أن جاءت الأحداث الأليمة، ما بِقي حجَر على حجر..
– في 8 شباط 1993، إجِت العودة، بمجيء راهبان، وبأوّل ليلة ما كان في سقف.. في قناطر نامو تحتُن 🙏
– وكان في دفع من الرهبنة اللبنانية عَ العودة، لأنو لازم نكون حاضرين لأنو جدودنا وتراباتًن هون
– تاني ليلة عِرفِت الضيعة إنّو الرهبان رِجعو.. بلشو يِجو، وصار كل شخص يحطّ إيدو، الدير كل الضيعة مشتغلة فيه.. اللي بيشتغل بالخشب اشتغل، وبالعمَار يعمّر، ويللي ما بيَعرِف يشتغل جاب ماي وأكل 🙏

2) غيرة الأهل
– بخبّرني الأبونا.. نحنا ما دعينا حدا، ما كان متل اليوم في وسائل تواصل..
– قديه قاطِع عليّي من الشمال للجنوب، مع احترامي لكل الضِيَع ، ما شفت ضيعة بتحبّ مار مارون والدير متل هيدي الضيعة… 🙏
– حتى اليوم أوقات كتير، اشخاص بيِجو بقولولنا “أنا نادر، بدّي اشتغل بالأرض ، انا نادِر إرعى الغنمات.. ؛ انا نادر كنّس الكنيسة .. نحنا بالسنة ونص، ولا مرّة جِبنا نضّفنا ، دايماً في نسوان بيِجو من الضيعَة نادرين التنضيف.. 🙏
– النادِر هون كمان مُلفِت عنّا.. ما بيِقبل كباية ماي من الدير.. نادر ما بيشرب وما بياكول 💒
– هالشي فعلاً بخلّينا نشتغل ونركض..

3) مدرسة مجانية
– نشكر وزارة الشؤون والنائب عدوان اللي ساعدنا.. المصاريف يتحملها الإنعاش، وفي جزء بيتحملها الرهبنة، حتى توصلنا إنّو ما مناخود ولا قسط من أي تلميذ 🙏
– هيدي السنة زادو 25 تلميذ، وصارو التلاميذ 104.. وهيك منكون عم نثبّت الناس بأرضا، لأنو مش قادِر يدفع قسط، كان بدّو ينزل عَ بيروت، حتى يلاقي شغل، حتى يقدر يدفع قسط..

4) الأرض
– هيدي السنة قسم كبير من الأراضي بالدير قدرنا رجّعناها خضرا..
– عم نساعد بالمدرسة وعم نساعد الناس، ولكن ايضاً عنا همّ إنّو أراضينا تِرجع خضرا، ولكل شخص حتى نثبتو مع شغلُن.. عطيناه أرض صغيرة حتى زرعها، وبِتكون سندة لعيلتو.. حتى يكون بالضيعة 🙏
– بدنا نردّ كلشي أخضر والناس..

الخلاصة: أكيد الناس قلقة، ومترددة.. من هيك لازم نحنا نمشي قدامُن حتى يمشو.. وأنا فرح بمحبة الناس 💒 وأي إحتفال بعيد مار مارون أو تلاميذ مار مارون بِ 31 تموز.. ما منِطلب من حدا، الناس بتصفّ السيارة، وبتجي تخدم، بحطّو أكل وبِساعدو من دون أي طلب.. أوقات بقول، أد ما حبّ الدير ما رح حبّو أد الناس هون 💒

(نورسات – 2019)

https://youtu.be/gG2zEAbvw-o