بالفيديو – شانتال سركيس للوزير جميل جبق: بَعرف إنّو حزب الله بيدرس ملفاتو..😀

– حالياً بتركيا إرتفعت أسعار الأدوية 26%.. وكلام سامي الجميل يسيء لبشير حول حلّ القوات..

***

مقتطف من حديث أمين عام حزب القوات اللبنانية شانتال سركيس لقناة الـ”mtv”، ضمن برنامج “حوار اليوم”: (18 شباط 2019)

(1) وزارة الصحة
– ما بدّي حط كلام وزيرالصحة جبق إستهداف سياسي
– يمكن الوزير مستلم جديد، النصيحة اللي عَم تنعطى إلو بفتح ملف الملفات مش بمحلها
– أنا بَعرِف إنو وزرا حزب الله بيِدرسو ملفاتُن كتير منيح

(2) مصلحة سكك الحديد
– حاصباني وقّع على نقل موظفة من الى مصلحة سكة الحديد كإجراء روتيني ، لأنو كان عندا كتير مشاكل بالتعاطي بمستشفى بيروت الحكومي، وكان مش قادرة تشتغل 😀
– العلاقة بين الرئيس والمرؤوس ما بقا ماشي حالها.. شاف إنو إدارة المستشفى موافقة ، ومصلحة سكك الحديد موافقة، فوقّع عليها
– مصلحة سكة الحديد، مؤلفة من 9 موظفين، صَح هلق ما عندُن شغِل ، بس كمان من مسؤولياتها انو تنبش وين في محل في إعتداء على سكك الحديد 😁

– في عتب للنائب ميشال معوض، إثارتو للموضوع يمكن لانو مساقبة بزغرتا، يمكن الموضوع زغرتاوي وما بِناسبو

(3) الأدوية
– لما عِملو حملة عَ الوزير حاصباني، بالدوا وإنو مش عَم يخفّضو، وليكو تركيا.. ومنروح عَ تركيا من جيب دواء أرخص
– بالرغم هالشي تخفضت أسعار الأدوية ، ومبارح طالع قرار بتركيا، ورح يغلّو أسعار الأدوية 26%
– وكنا نقلُّن الدوا بتركيا مدعوم، وشركات دولية بتركيا بتصنّع على انو لا يوزّع خارج تركيا

(4) 14 آذار
– في بعض القوى من 14 آذار همها تصوّب عَ القوات إنّو ما عم تحكي الاّ بمواضيع غير سيادية، متل الدكتور فارس سعيد وغيرو

س: بتحكو بس مش طالِع بإيدكُن تِفعَلو كتير..؟؟
شانتال سركيس: ليه مين وقّف صفقة البواخر.. لو ما نحنا حكينا فيها، وكان صوتنا أعلى..

(5) الكتائب
س: سامي الجميل صرّح، إنّو كان الرئيس بشير الجميل كان بدّو يحلّ القوات؟؟
شانتال سركيس: التوتّر جايي من جهة واحدة، نحنا ما توترنا.. ولكن الكلام (سامي الجميل) للأسف يسيء للشيخ
بشير الجميل مؤسس القوات اللبنانية

https://youtu.be/4y1gLSM59SE