بالفيديو – إميل رحمة عن شارل مالك والحسد الإيجابي والسلبي، وعن بقردوني والتطور و”عَبطة” جعجع لعون

– بس يقولو الرئيس بشير الجميل أتى عَ الدبابة الإسرائيلية، عَم يغلطو.. كائناً من كان ✔

***

مقتطف من حديث النائب السابق إميل رحمة لقناة الـ”OTV”، ضمن برنامج “حوار اليوم”: (18 شباط 2019)

1) الحَسَد
– شارل مالك بكتابو المقدمة، قال “الحَسَد نوعان”، نوع إيجابي، ونوع سلبي 👌
– السلبي، هوي اللي بِحطّ لَ يللي عَم يشتغل عراقيل حتى يِتفركش، ويوقع، وبيِطلع ما حدا عامِل شي😞
– الإيجابي، هوي اللي بِقول هيدا عَم يِعمل منيح، بدّي حفزو يِعمِل منيح اكتر، وبدّي رح إعمل منيح حدّو، وبِكون التنين عم يِعملو مناح 💯
– نحنا اليوم بحاجة لمعارضة صاحب حسًد إيجابي، وأن تكون الموالاة صاحبة شغل..

2) بشير
– بس يقولو الرئيس بشير الجميل أتى على الدبابة الإسرائيلية، عَم يغلطو.. كائناً من كان.. ✔
– إنّ المُنتخِب (خ ِ) مسؤول أكثر من المُنتخَب (خ َ) وإذا كان المنتخِب كان عَ الدبابة الإسرائيلية وصِل لعدد 62 نائب بتأمين الجلسة.. بِطلَع مخوِّن لبنان كلّو، حتى أنا اتمرجَل بالموضوع 🤔

3) الفساد
– شو الناس يعني، تلات أرباع مواطنين لبنان، بقلّك هلق عَ دوري..!! 😁 بدّي خلّص معاملتي.. لو بِ 200 $ ، خود 300 $ بس جِبلي ياها بسرعة 🤔
– القضاء يعمِل قضاء مقاوم للفساد، يُنقذ لبنان ، والقضاء في إيطاليا هوّي اللي أنقذ الدولة من المافيا 💯

4) التوازنات
– البلد مركّب على توازنات رهيبة، ما فيك تِعمِل بلبنان تفاهم وبس.. وصرنا فريق واحد
– الرئيس عون رئيس جمهورية مش متل ما كنت تعتبرو رئيس تكتّل التغيير والإصلاح

5) التطوّر
– بالزَمَانات كريم بقردوني عجبني كتير، حدا سألو.. قالولو “انت تغيّرت وكذا…!!” قلُّن: ليكو في إثنين ما بيِتغيّرو وما بيتطوروا.. قالولو مينِن؟؟

قلُّن: الميِّت والحمار .. 😁

مقولة بلبنان.. أبّاً عن جدّ.. ويا عيب الشوم.. مبارح كان مع بيت فلان، وهلق صار مع بيت فلان..!! القصة إن كان مع بيت فلان وصار مع علتان، نتيجة مصالح.. إيه يا عيب الشوم..!! 👌

وقت خَونّوني القوات اللبنانية، كيف قاعِد حدّ الجنرال عون.. وقت اللي عِملو معراب، قلتلُّن: أنا صَرلي 7 سنين قاعد الكتف عَ الكتف، وما عرِفِت إعبطو.. أوّل ما قَعَد الدكتور جعجع عَبَطو 😉

https://youtu.be/-ERBjLQAg90