Agoraleaks Agoraleaks
بالأخير بدّو يصحّ الصحيح.. والمشكلة الأساسية هيي بالآحاديات بكل الطوائف.
مقتطفات من حديث السفير عبدالله بو حبيب لقناة “الجديد”:
- لا في اصلاح ولا تغيير بعد. بعدنا ببرلمان سابق منتخب سنة 2009، . كان لازم تنتخب نواب سنة 2013، وسنة 2014 ننتخب رئيس للجمهورية
- لو انتخبنا المجلس النيابي سنة 2013. ما كان صار في تمديد وانتخبنا رئيس سنة 2014. لأنو كان مجلس جديد، وما حدا عندو عذر ما ينزل وينتخب رئيس بهذا المجلس
- التمديد هوي أصل العلّة، وبعدنا بمجلس سنة 2009
ورداً على سؤال عن المعرقلين الذين يريدون فرملة العهد، قال:
- هناك من تأذى قليلاً من انتخاب الرئيس عون، ولكن عم يلعبو كم لعبي بسيطة صغيري، ولكن القوى الأكبر يللي أيدّت الجنرال عون ابتداءاً من حزب الله الى القوات الى المستقبل كلن بدن ياه ينجح، لأنو عدم نجاحو أو عدم انطلاقتو بتكوّن شي خطر للبلد ككل
- دعم أي حزب مش مشروط، ولكن كل كتلة عندا مصالحا، وعندا أهدافا يللي بدها تحققا من خلال الوزارات
- بالأخير بدّو يصحّ الصحيح، وحزب الله ما بيترك تحالفو او تفاهمو مع الجنرال او مع التيار الوطني الحرّ
- المشكل الأساسي هيي بالآحاديات بكل الطوائف. بتسميها ثنائية لكن حزب الله وأمل واحد. التيار والقوات واحد، المستقبل لحالو واحد، والإشتراكي واحد، بدك قانون يخلق تعددية بكل طايفة..
