بالفيديو – رسالة معبرة جداً من وزير المهجرين غسان عطالله لزملائه بالتيار الوطني الحر✔ 🇱🇧

– إذا خيّي تثبتت عليه شبهة فساد بدّو يفوت عَ الحبس✔
– لا خطر عَ التيار بشخص عقليتو: “ما في حدا بيِقدِر يِخفي نور عم يشعّ من حدا ناشط” ✔

***

مقتطف من حديث وزير المهجرين غسان عطالله، لقناة الـ”OTV”، ضمن برنامج “حوار اليوم”: (3 شباط 2019)

1) تفاؤل
– الكل مقتنع إنّو ما في وقت نضيعو ، والرئيس واضح بهيدا الموضوع، الجو إيجابي، والعلاقة ممتازة بين الجميع 🙏
– ما حدا بدّو يغطّي فاسد، لو بالقبل كانت بِتصير ، اليوم ما رح تصير ✔ في قرار إنّو بدنا نبني دولة 🇱🇧

2) لا مساومة
– رح إحكي عن وزارتي، بتمنى ما يجيني ولا أي ملاحظة عن أي موظّف، لأنّو بأي ملف رح إستلمو عن موظف في عليه ملاحظة، رح فوت في عالآخر 👌
– مين ما كان ولمين كان تابع.. رح إعتذر من الكلّ.. لا دخلها بحقد ولا بشي تاني.. أنا والدي توفّى من سنة تقريباً بسخونة، وما حدا قتيل بيّي بالحرب، رجاءً ما بقا يِحكيني عن حقد لأنو ما عندي ياها 👆
– إذا خيّي موجود بالوزارة، وطلِع عليه ملف، رح كفّي للآخر، وإذا مفروض يفوت عَ الحبس، فليكن 👆

3) الإيجابية
– رامي رزق عمِل كتاب عن لبنان فيه 2000 صورة، بتشوفو بلدك بأحلى حلّة 🇱🇧 الناس من الخارج عَم تتواصل معو بدها تجي للبنان.. 💯
– نوقّف تصوير كيس زبالة، ولبنان العجقة… وهيدا الفرق بين تغيير الواقع وبين النَق وجلد الذات.. إعترضو بحضارة وما بقا نعترض بالتكسير والخناق✔

4) الثقة
– حطو ثقتكم بالجنرال عون ورح توصلو لكل كلمة عَم يقولها ✔ ولبنان للأفضل إقتصادياً.. 🇱🇧
– بقول للكل، الوزير باسيل قال بالحرف: “ما في حدا بيِقدِر يِخفي نور عم يشعّ من حدا ناشط” ✔ هالكلمة أثرت فيّي كتير، واعتبرتا رسالة لكل الناشطين بالتيار الوطني الحرّ ، سمعوها وسجلّوها منيح، وخاصة مع شخص بعقلية الوزير باسيل “ما في حدا بيِقدر يِخفي نور عَم يشعّ من حدا ناشط”.. 💯
– إشتغلو وتعبو.. آمنو.. صبرو.. وانا أكيد حزب متل التيار الوطني الحرّ بتوصَلو لأعلى المراتب، وإذا فشلتو رح تتحاسبو وإذا نجحتو رح تتكرّمو..
– نشالله كون على الثقة على أخدتا، وإقدر ضيف وزنات على حزبي، من يللي هوّي عطاني ياها 👌

https://youtu.be/TiJM0tmws0w