باتريك فخري: سماحة السيّد قلو معزّة خاصة ببيتنا، والتقيت الرئيس عون كذا مرّة (Audio)

1

2

بعد مرور سنتين على جريمة بتدعي، أي شخص بيعمل غلطة وبيقتل ناس أبرياء مفروض عيلتو إذا بتحترم نفسا تسلمو للقضاء.

مقتطفات من حديث باتريك فخري، نجل الشهيدين صباح وايلي فخري، ضمن برنامج “أجندة اليوم” على قناة الـ”OTV”، مع مرور سنتين على رحيلهما:

• الموضوع بعدو بالوقت الحالي بالقضاء، يعني بالمجلس العدلي، القضية أخدت اجماع بمجلس الوزرا وتحولت لمجلس العدلي، وعند القاضي التحقيقي العدلي القاضي سمير صادق
• بعد سنتين للأسف في 4 من المجرمين فارين، على مرأى من كل الناس وبيتجولو بين “دار الواسعة” وبعلبك وبمنطقة البقاع
• تفشّي الجريمة، خاصة بمنطقة البقاع الشمالي، بتضرّ باهل البقاع  الشمالي، واهل البقاع الشمالي منون مجرمين ومنن قتلة
• بيسوى بس توقع جريمة متل هيدي، وبيسبقا قبل جرايم، وبعدا جرايم، ينوضع حدّ للقتلة
• هيدي الجريمة بتسبب أذى، واهلنا منن هيك، ولا ببعلبك هيك. ولا بزحلة هيك. وعم يصير بغير مناطق جرايم متلا، بجونية صارت حادثة، وبكسروان وببيروت صارت حوادث
• نحنا ما كان عنا ردّة فعل ثأرية، كرامة لأهل منطقتنا، أوّل شي منبلّش ببيتنا، بعيلتنا، بمنطقة دير الأحمر، بمنطقة بشري، لأنو جذورنا من بشري، وكمان بكرامة أهلنا ببعلبك الهرمل.
• نحنا ما بدنا نعمل عداء بيننا وبيين، طول عمرنا عايشين بيت واحد
• بيسوى ما تتكرّر الجريمة، وحتى ما تتكرر القاتل بدّو ياخود جزائو، إذا القاتل ما اخد جزائو ممكن تتكرر الحادثة
• الحادثة يمكن تصير بأية مشكل يصير أو مداهمة
• المطلوب من الأجهزة الأمنية انو تلقي القبض على المجرمين. والمطلوب من عيلة المجرمين يللي هيي عشيرة تسلّم القتلة، متل ما بصير بحيالله محل او مع أي عيلة، بس أي شخص من العيلة بيعمل غلطة وبيقتل ناس أبرياء من المفروض عيلتو إذا بتحترم نفسا تسلمو للقضاء
• ما عملنا ردّة فعل ولا رحنا قتلنا ولا ضربنا كرامة أهلنا، تما نجرّ أهلنا.. لأنو بتعمل مشكلي كتير كبيري، اذا تصرفت متل ما القتلة تصرفو، ومنكون جرينا منطقتنا لمشكلة كبيري
• بحب قول انو أهلنا ببعلبك وبعرسال وبالهرمل هني متعاطفين معنا، منو الموضوع طائفي ابداً وبيتنا معروف، وبيت اهلي معروف من سنة 1975 لكل الناس، وكل الناس بتزورو، نحنا جماعة علمانيين، وما منآمن بالطائفية
• صار وسايط كتير، انو بدن يحلوها على الطريقة العشائرية، انو ماشي الحال بركي منمسحا بهالدقن. هيدا الموضوع منو وارد عنّا. تدخّل سيدنا البطريرك بهالموضوع والو الشكر، وفخامة الرئيس العماد ميشال عون، وعملت عدة جلسات معو، وحكينا بمواضيع الجريمة ومواضيع تفشّيها بمنطقة البقاع، وكان في عطف كتير كبير من الشخصين
• الفريق الآخر يسعى تبريد الأمور، الإنسان بس يكون واقع بمشكلة متل ما نحنا واقعين فيها، المسؤول عادة مفروض يكون مسؤول. انا مثلاً مسؤول عن بيتي عن ضيعتي، إذا بدي اتصرف تصرف مش مزبوط بدي ورّط أهلي، والإنسان المسؤول مفروض يتصرف بطريقة مزبوطا
• يمكن هني مستغلين الفرصة، انو بيت الفخري ما عملو ردّة فعل، انو ما راحو قتلو أو ضربو، عم يحاولو يلعبو على عامل الوقت
• الإنسان الخارج عن الدولة، هيدي تربية. ما فينا نحط إذا الإنسان ما عندو شغل او عاطل عن العمل، او منطقة البقاع صحيح فقيرة، بس منطقة البقاع مش كللا فارين عن القانون.
• نحنا ولاد ديرالأحمر وزحلة والبقاع وبعض المناطق، ما الدولة ما عم تهتم فينا.

ورداً على سؤال تخصيص امين عام السيد نصرالله مؤتمر بخصوص الجريمة وتسليم الفاعلين، ردّ السيد باتريك فخري:

• سماحة السيّد نحنا منشكرو، والو معزّة خاصة ببيتنا، وأوفد سماحة الشيخ محمد يزبك عدة مرات لعنا على البيت، وبيجي ع بيتو اهلا وسهلا فيه. بخصوص الإستجابة، مش الكل بيستجيب.
• سماحة السيد قال إنو هيدا موضوع من الأساس قال انو منرفع الغطا عن المجرمين، وطلب من شهر وشوي، انو هيدا الموضوع محسوم، كل الناس تحت سقف القانون
• برجع بكرر نحنا المجروحين ومقتولين عن نحافظ على السلم الأهلي والعيش المشترك بمنطقتنا