بالفيديو – الأب مروان خوري يوجّه التحية لماتيلدا فرج الله.. عن الطفل الشحاد لنقول “كتّر خيرالله”(Video)🙏

–  الإعاقة اللي تَمنع إني روح صوب الله، هي عدم توبتي 😔 مش خطاياي😔 

***

مقتطف من حديث الراهب المريمي الأب مروان خوري ضمن برنامج “ما أطيب الرب”، عَ قناة “نورسات”: (24 ك2 – 2019)

1) لقاء زكا مع يسوع
– زكا سرّ لقائو بيسوع، قلب عَم يفتّش ، وهالشي كتير بهمّو لَ الله 🙏
– ما بهمّو الله، شو ماضيك وخطاياك.. كل الخطايا مستعدّ يغفرا ويصلحا 🙏
– أمام الرب ما في خطية توقف أمامو، محبتو بتِقدِر تدمّر أكبر خطية، ومع كل نتايجها
– الإعاقة اللي تَمنع إني روح صوب الله، هي عدم توبتي 😔 مش خطاياي

2) اللقاء
– الله بدّو يشتغل، بس أنا بدّي قرّر🤔
– الإنسان إذا ما قرّر يلتقي بيسوع، الله ما رَح يشتغل، وأنا بعطلّو العمل
– الرب يقول أثناء اللقاء: “اليوم دخل الخلاص لهذا البيت” 🙏 جئت لا للأصحاء إنما كرمال الخطأة والمتروكين حتى أجعلهم أصحاء ✝ وهيدا جمال إلهنا 🙏
– زكا صار رسول يبشّر.. وترك مملكة المال
– مرور الرب ما بِكون أوقات أن يأتينا شخصياً، في كتير ناس حاملين الله بحياتهم، والله يرسلهم لنا…

3) ماتيلدا فرج الله والطفل السوري
– أوجّه التحية للإعلامية ماتيلدا فرج الله، شفت عَ “الفايسبوك”، عاملة مقابلة مع فقير طفل سوري، جايي من طرابلس وهوّي سوري الجنسية وعَم يشحد.. وعمرو 5 سنين..

– سألتو،إنّو مين مسؤول عنك؟؟ وليه متروك هون..؟؟
هالطفل هوّي وعَم يِحكي، شِفت فيه إنسان.. دمعّت.. شو بريء.. كيف عَم يجاوِب؟؟ شو طيّب.. بس ليكي المجتمع كابينو شحاد عَ الطريق.. وعَم نطلعلّو بنظرة مذرية وأيمتى بحلّو عنّا.. 🙏 وايمتى ما بقا في منُّن عَ الطرقات..

– المعتّر قنعو وظروف الحياة وصلتو يمكن بالشحادة حتى يعيش.. وإنو هيدا أسلوب عملو..

– لنقيسها عَ نفسنا، لو كنت أنا بهالظروف، كنت أنا هيك.. 🤔 يعني ما أتطلّع بنظرة فوقية، نقول كتّر خيرالله.. مفروض إشتغل وكون فعلاً رسول الو، وشوف كيف بِقدِر حسّن واقعو وأعطيه القيمة اللازم ياخدها 👌

https://youtu.be/OlzyZmG7WdA