Agoraleaks Agoraleaks
1
2
– نحنا مش ببلد علماني، عنوان المرحلة الحالية “الشراكة المسيحية” المطلوب تنفيذا والقوات شريكة بالعهد شئنا أم أبينا
– المردة إذا من كوتا بري بحقلا بوزارة مهمي من حصتا، وإذا من الحصة العامة الشاملة وزارتا شي تاني
مقتطفات من حديث النائب فادي الأعور لقناة الـ”OTV”:
- اعتادت الطبقة السياسية على المناورة في تشكيلة الحكومة لتحصيل مجموعة من المكاسب
- نحن اليوم امام مشهد جديد في لبنان، وبالتالي امام عهد جديد، المطلوب انو ننطلق بعملية تشكيلة الحكومة، يكون حساب الربح الأساسي فيها لما يربحه اللبناني
- القوى السياسية عم تشتغل على تحسين أوضاعا ضمن الحكومة. وكل فريق يطالب بيللي بشوفو هوّي. ولكن اطلاق الحكومة عملية تسوية بين كافة القوى السياسية
- اليوم نحنا كان في مشكل عَ حقيبة المال يبدو انّها ذُللت. بيبقى الموضوع الأساسي عنوان المرحلة تثبيتا، “الشراكة الوطنية” على المستوى العام
- نحنا بلبنان مش عم نعيش ببلد علماني، لبنان بلد محكوم بالطوائف. من هون نشأ خلال هيدي السنوات مسألة “التمثيل المسيحي” في الدولة
- اعتادت جميع القوى على انو تاخود من تمثيل المسيحيين لزيادة حضورا في الحكومة، اليوم المشهد مختلف
- القوات اللبنانية قوة لها ما تمثل على الأرض، وعندا علاقات سياسية مع قوى أخرى بخولها انو تطالب بعدد من الحقائب
- بالحكومة السابقة كان حزب الكتائب موجود ب 3 وزراء، اليوم القوات شريك أساسي على الساحة اللبناية، شئنا أم أبينا، وبالتالي هيي قدمّت مجموعة من المواقف الإيجابية تجاه التيار الوطني، وفي عملية الإنجاز السياسي لإنتخاب الرئيس عون
- من هون منقول للقوات الحق تطالب بيللي بدها ياه. ولكن بالنتيجة سيطلع معنا احتساب دقيق لتمثيل كل القوى السياسية والمكونات اللبنانية
- بالنسبة للمردة المشكل الأساسي من وين بدو ينحسب تمثيل المردة، هل سيُحسب من ضمن كوتا الرئيس بري، او من ضمن عملية عامة قد تجلب المردة الى حقيبة معينة مش من ضمن سقف الشروط المحطوطة
ورداً على سؤال من الإعلامية جوزفين ديب، حول الكباش الإعلامي لتبنّي فوز انتخاب الرئيس عون ووصوله الى قصر بعبدا، بين اعلاميي محور السوري – الإيراني، وغيره من المحاور مع تفسيرات (غير واقعية) لزيارة ومجيء وفد أمير مكة الى بعبدا، قال الأعور:
- المشهد مختلف تماماً، هناك رئيس للجمهورية قوي، كل دولنا في الإقليم تتسابق لمدّ اليد الي فخامة الرئيس
- سبب ذلك قوة العماد عون، انتي مش جايبي رئيس فئة تانية، او فئة تاتي
- انتي جايبي رئيس فئة أولى، رئيس لبناني كامل.. من هون العلاقات الدبلوماسية وعلاقات حسن الجوار والقراءات المشتركة مع عالمنا العربي ومحيطنا مسألة اساسية، وهيدا الشي يريحنا
- الإندفاعة ضمن القوى كلها والدعوات يللي عم تتوجع للعماد عون الرئيس، بتطمنّا انو عنا رئيس للجمهورية قادر. وهو بموقع القائد على مستوى لبنان باسره
- بشخصية العماد عون قادرين نقطع كل هيدي الإشكاليات، وبالتالي شفنا مرحلة فيها من التراكمات والخلافات، والخصامات السياسية، مش ممكن تزول ب 3 اسابيع
