بالفيديو – الأب مروان خوري: إذا الله معك، انتا أد الكون كلّو، والكون مع كل مصايبو ما بيِغلبك🙏(Video)

– تلات ارباع الناس بيِجو لعند يسوع مش طالبينو.. طالبين عطايا.. ما أطلبوا ملكوت السماوات أولاً ✝

***

مقتطف من حديث الراهب المريمي الأب مروان خوري، لقناة “نورسات” ضمن برنامج “ما أطيب الرب”: (10 ك2- 2018)

1) الخَربطة
– كلشي بالحياة اللي مفركش بيزبط، نهار اللي تستقيم علاقتنا مع الله 🙏
– الخوري أرس عندو قصة حلوة:
قصَدو مرة احد الفلاسفة من باريس، قلّو الخوري آرس: قبل ما إحكي معك بدّك تعترف حتى إحكيك (حطّلو شرط)
قلو: منبقى نِعترف.. قلّو أرس: لاق…
لمّا خلّص إعترافو: قلّو خبّرني هلق شو مشكلتك؟؟
قلّو: ما بقا عندي مشكلة 👌

2) الإنطلاقة
– لمّا عَم آخود قرار (شغل – زواج..) عَم نقلّع من شو.؟؟ عَم نفكّر من فكرنا البشري يللي مضروب.. البعض بيعتبر إنّو الزواج المركزي هوّي رئيس البلدية.. وعندو بيِعمِل العقد.. ما نشوف البلدان الغربية ما إختبرا.. نطلّع عَ النتائج.. بطّل في عيلة.. 🤔

ليه؟؟ 🤔
لأنّو مصدر الحب مش عقد عند رئيس البلدية.. الزواج لازم يكون قايِم على أساسات الحب.. ومش أيّا حب.. الحب اللي علّمو يسوع بالإنجيل.. لأنو هيدا الحب اللي بِدوم، وساعتا إذا قطَع بصعوبة، بصير يَعرِف يضحّي، ويعرِف يغفر حتى يقطّع صعوبتو 🙏 إذا قلعّت من عند غير يسوع.. عَم أوصل لحب فاشل 👌

3) الله مسيّر الكون
– إذا الإنسان متصّل بِ الله.. يعني لاقطة الكون..
– إذا الإنسان ترك الله.. الكون بيِترك الإنسان..
لأنو من الله كل قوة للسيطرة على عناصر الكون.. والإنسان بس يرجع لَ الله بترجع القوة للإرادة، والرؤية بِتصير واضحة 🙏

4) المركزية إسما يسوع ✝
وساعتا القلب بيِرجع يحبّ مزبوط ،
العقل بِفكّر مزبوط،
اللسان بيِرجع يِحكي مزبوط..
– تلات ارباع الناس بيِجو لعند يسوع مش طالبينو.. طالبين عطايا يسوع (يشفيهنُ – يزبّط شي بَيعة..) 😔
– الله من قلبو بدّو يَعطيني، مش رح يِبخل عليّي.. بس عيب، اطلب عطاياه وما إطلبو الو..
– لا أحد يستطيع ان يعرف يسوع الله، الاّ بقدرة من الروح القدس 🙏 لا لاهوت، ولا إنسان ولا ذكاء ولا دكتوراه أو إختصاص..
– أطلبوا ملكوت السماوات أولاً وكل اللي ناقِصكُن ستُعطى ويُزاد..
– اليوم إذا الله معك.. انتا أد الكون كلّو، والكون مع كل مصايبو ما بيِغلبك🙏

https://www.youtube.com/watch?v=nfFQqP48aHM&feature=youtu.be