بالفيديو – كريم بقردوني: عون سيقلب الطاولة عَ كل الطبقة السياسية ورح يترك بصمة صدقوني (Video)

– المشهد السياسي يفرض تشكيل حكومة مش من السياسيين لحين إتفاقُن..

***

مقتطف من حديث الوزير كريم بقردوني لقناة الـ”OTV”، ضمن برنامج “حوار اليوم”: (5 ك2- 2019)

1) لمّا الرئيس عون قلُّن في كارثة، كان عَم يقلّن ألفوا الحكومة، ولكن ما أسرعو.. اليوم بعد 228 يوم عَ تكليف الحريري، يعني 8 أشهر.. أي سبب لوقف الحكومة مش مبرّر؟؟

2) عن تضارب المواقف لحد التناقض:
– عون يقول: الخيارات السياسية تحول دون تشكيل الحكومة
– المشنوق: الخيارات الرئاسية
– باسيل: التناطح السياسي
– حزب الله: الحريري
– بري: المشكلة عند رئيس الجمهورية…
– الحريري صامت..
يعلّق بقردوني:
أ – هيك صورة، بالنتيجة يعني ما بتقدِر تشكّل حكومة سياسية، برأيي لازم رئيس الجمهورية ورئيس الحكومة يشكلا حكومة غير سياسية من اخصائيين، بانتظار يلاقو السياسيين حلٍ ما فيما بينهم..
ب- شو ما قال الطائف، الواقع الحالي أهم من الطائف، بمعنى في استحالة سياسية.. شو يعني مِنضلّ 4 سنين بلا حكومة؟؟
ج- رئيس الجمهورية معو حق بوجود كارثة، وهلق عَم يقول في خيارات..

3) أي حكومة أفضل من عدم وجود حكومة، نسلمّها لفخامة الرئيس وما نِترك البلد بلا حكومة، مش واقفِة عَ وزير.. حرام

4) وِصلو نهار يِحكو الأمركان مع الرئيس الأسد حكو مع العماد عون، جاوَب بشار الأسد بشكل واضح: “يا خيي، هيدا ما بيِنحكى معو، وما بردّ عَ حدا..”.

5) في طبقة سياسية ما بقا فيها تكمّل، وانا بَعرِف الرئيس عون.. وبرأيي قادِر يِقلُب الطاولة على طبقة كاملة. ويللي بيَعرِف تاريخ عون بيَعرِف إنّو كذا مرّة عمِلها

6) لما إجا الرئيس عون عَ الجيش ما إجا برضى حدن.. الجيش كان عَم يِفرط..
لما إجا الرئيس عون رئيس حكومة، ما إجا لأنو حابينو.. لما بييئسو كلّن بيِجي عون..

7) رئاسة الجمهورية تبدأ بآخر سنة، وبِتصير جدية قبل 6 أشهر. وتُقرّر قبل أسبوعين، ويللي عَم يحكي هلق عن رئاسة الجمهورية ما بيَعرفو رئاسة الجمهورية

8) الرئيس عون ما رَح يترك الحكم بلا ما يِترك بصمة. سمعو مني..
بالجيش ترك بصمة، وبصمتو بكل المعارك.
لما عمِل رئيس حكومة، خاض كل المعارك ومهما تكن النتائج ترك بصمة.
لما كان بالمنفى، ترك بصمات في لبنان
وهلق اليوم برئاسة الجمهورية، متأكد من إنّو سيترك بصمة.. شو هيّي البصمة يللي بتِحرز يتركها، هيي إعادة النظر بالطائف.

https://www.youtube.com/watch?v=mka4N5VLfqc&feature=youtu.be