بالفيديو – 🙏 الأب علاوي: قلتلو للبابا فرنسيس بالآخر بدّي موت وفل، فأذن لـ”سعادة السما” تأسيس رهبنة “نور العالم”..

– 🙏 ما بدنا تعصّب إن سمّوه عيسى أو يسوع، بالعقل ما حدا بيعرفو.. و1000 تحية للأب خولي والمنسنيور لبكي.. أنا معروف بسبب SM في كهنة بيشتغلو وما بيِنحكا عنُن..🙏 

***

مقتطف من حديث رئيس جمعية “سعادة السما” الأب مجدي علاوي، عَ قناة الـ”mtv” ضمن برنامج “بيروت اليوم”: (ك1- 2018)

– ما فيني نام وحدا جيعان ونايِم عَ الطريق، للأسف قالولي: لشو عَم تساعِد من غير أديان ومن غير بلدك 😔
– ما فينا نوصل عَ السما إذا بعدنا عَم نقول: دين وعرق وطائفة وجنس 👌

الميلاد
– أساس الميلاد صار إنسان، وكسر كلّ الأنظمة والقوانين، وهمّو كرامة الإنسان، وهيدا أنا اللي عَم فتّش عليه 👌 شو ما يقولو عنّي: مش معلم ومش ناجح..🙏

البابا فرنيسيس يردّ ع اتهام الكهنة
– كل يوم بتقلّع وبتِنزل مليون طيارة، وبوصّلو الناس عَ بيوتُن مبسوطين.. مرة بتوقع طيارة منِقعُد نِحكي عن الطيارة، وهيك ولا مرة منحكي عن الخير العام اللي عَم يِعملوه رجال الدين 🙏
– ما بقلّك أنا كامل، أو غيري كامل، الكاهن عَم يِعمِل كلشي مميز، والي الشرف إحكي عن رجال دين.. بادريه بيو شو نحكا عنو.. 🙏 نحنا منا كاملين نسعى للقداسة، وكل معمّد هوي كاهن🙏
– شو عَم ينحكا عن ناس بيناتنا، أبونا خولي والمنسنيور لبكي، ومني الُن 1000 تحية 🙏

س: في اديار قدامها معارض سيارات؟؟
علاوي: أول شي هالسيارات مش لأشخاص للأديرة، حتى يستَعملوها.. يعني لازم يستعمل الراهب سيارة تقطَعو عَ الطريق👌
– ما في عيلة الرعية بتعرف إنو بحاجة لدوا او اكل أو تياب وما بساعدوه، نفوت عَ العمق، في ناس ما بتَعرفوها والكنيسة عَم تِعمِلها، أنا عَم بيّن عَ Social Media.. رحتو لعند رهبنة تريزيا كالكوتا من بعد ذهاب ملكة جمال الُن، قبلو الراهبات يِطلعو عَ Social Media..👌

جدال عيسى بن مريم ويسوع ابن الله
– عيد الميلاد بالعقل ما منِستوعِب كيف الله يصير إنسان وطفل وبمزود للبهائم 🙏
– الله كمان ما بيِقبل هالإشيا، شو ما تسميّني.. ما بدنا تعصّب👌
– قديه يسوع موجود بقلبك، وقيه قادِر تشوفو بعينين الآخر، ما نوقَف عَ الكلمات 🙏
– المسلم بسمّيه عيسى، والمسيحي متعلّم تعليم مسيحي، وبيعرف إنو يسوع هوّي الآب والإبن والروح القدس، وبالعلم ما رح يستَوعبو لا المسلم والمسيحي 🙏
– لا يُلام المسلم ع تفكيره، وكرمال هيك ما فينا نقول هالشي إنو نَعرة طائفية، الديانة المسيحية أبعد من هالإشيا، ديني المسيحي بيِدعيني ما علّق عَ هيك كلمات، وما نتقد يللي بيِنتقني، (لا تدينوا كي لا تُدانوا – أريد رحمة لا ذبيحة) 🙏

جمعية سعادة السما 🙏
– بيّي يسوع عندو مصاري كتير، بقلّي: إشتغل حتى إشتغل معك 🙏
– العناية الإلهية هيّي المسؤولة عنا، فتشت عن مدير عام ومنظّم ومخطط وإداري وكلشي.. ولقيت في شخص واحد في كل هالإشيا، ومنو شي عادي، بيِعمل الأمور كلها سوبر وإكسترا.. وهالشي هوّي يسوع المسيح، من هيك بقلّو إنتا كون المسؤول🙏
– اليوم عنّا فوق ال 600 متطوع ومتطوعة بجمعيتنا ومن كل لبنان ومن كل الطوائف، وفي عنا من سوريا ومن العراق 🙏
– السوبر ماركت يديرها 45 سيدة متطوعة، وكل اربعا وسبت 700 عيلة بتِجي تاخود الخضرا والفواكه والأكل ببلاش 🙏
– إجاني من الفاتيكان، بِ 30 ت1- 2018، أمين سر حاضرة الفاتيكان ادكار بينيا، حتى نجتمع ونشوف التحضيرات حتى نأسّس رهبانية تابعة لجمعية سعادة السما، واسما “نور العالم”

– أنا رحت عَ الفاتيكان، وقدمّتلو للبابا فرنسيس، شو عنا.. قلتلّو: أنا بالآخر بدي فل، وبدّي موتن بدّي كفّي هالرسالة، لازم يكون في جماعة رهبانية، وفي عنا ناس عَم يدرسو فلسفة ولاهوت، من أشخاص كانو مُدمنين وبطلّو 🙏 وأنا بوثق بولادي يكفّو من بعدي 🙏

https://www.youtube.com/watch?v=_tqEjaYc1tc&feature=youtu.be