بالفيديو – الناشطة السياسيّة لوري هايتيان لخصّت المشهد السياسي

– عون وباسيل والتيار يصرون: 11 وزير يعني 11 وزير نشالله ما تِتشكّل الحكومة لآخر العهد 👌

***

مقتطف من حديث الناشطة السياسيّة لوري هايتيان لقناة “الجديد” ضمن برنامج “وهلق شو؟”: (30 ك1- 2018)

بدّي قول شي كتير مهم عَم لاحظو، وإنّو التلفزيونات ماشية فيها، إنّو الشعب مش فرقانة معو وزير من هون أو وزير بالناقص أو بالزايد.. عَ أساس الشعب فرقانة معو الإقتصاد.. 😉
أنا من خِبرتي ونزلت عَ الإنتخابات النيابية، والعالم كلها فرقانة معا مين بدّو يِحمي الأهالي بالأشرفية او الأهالي من الجهة التانية 😉
أنا إحكيهُن بالإقتصاد يقولولي: لاق إذا فاتو علينا من الجهة التانية كيف فيكي تحمينا وما عندك شي؟؟؟

يعلق جورج صليبي: ولو.. !!

تضيف لوري هايتيان:
– بالتالي المواطنين اللبنانيي يللي بيِنزلو ينتخبو هني مواطنين مش فرقانة معُن الإقتصاد، اللي بيِفرُق معُن الإقتصاد هنّي يللي ما نِزلو إنتخبو أو مش موجودين بلبنان 😉
– بالتالي الوهم اللي عَم نِخلقو إنّو المواطن فرقانة معو الإقتصاد مش مزبوط 😉
– مواطنين الأحزاب السياسية هني مواطنين معتبرين وجودُن بخطر،
1) إن كانو من الشيعة وهيدا شعور الأكثرية
2) إن كانو من السنة يللي حوالَيهُن سنّة
3) إن كانو مسيحيين يللي حاسيّن حالُن بخطر..

بالتالي، رئيس الجمهورية والقاعدة تبعو والوزير جبران باسيل منطلقين من هون، وبيعتبرو إنّو:
“نشالله ما في ولا حكومة من هلق لحتى يِخلص عهدو للرئيس الجمهورية، بس ضلُّن عَ موقفُن، انو 11 وزير، يعني 11 وزيرن ونحنا ما بدنا نفرّط بحقوقنا، يعني بكون العهد وِصل لَ يللي بدّو ياه 😉

https://www.youtube.com/watch?v=JISVs3_j1fs&feature=youtu.be