ما بدهن دولة من كبيرهن لصغيرهن، ما بدهن شرفاء.. (روبير مجدلاني)

– الحرب ضدهن كلهن ونحن وحدنا بهالحرب.. كفى عهر..!!!

***

ما بدهن دولة من كبيرهن لصغيرهن، ما بدهن شرفاء..
تحكموا ٤٠ سنة بمصير الوطن وحطونا تحت الأرض..

واليوم مش عم يسمحولنا حتى نحط اول حجرة على طريق الإصلاح..
كذابين، غشاشين، حراميي، عملاء، بلا شرف وبلا ضمير..

ومعهن إعلام قذر، رخيص، حقو ربع ليرة، شغلتو يعتم عن الحقيقة ويضوي عالباطل..

الحرب اليوم مش سهلة، الحرب ضدهن كلهن ونحن وحدنا بهالحرب!

الوضع اللي نحن فيه اليوم مش وليد الساعة،

• هني السبب،
• هني سبب فقرنا،
• هني سبب شح الكهرباء والماء،
• هني سبب موت الناس على باب المستشفيات،
• هني سبب إقتصادنا المهتري،
• هني سبب خراب لبنان من ٤٠ سنة لليوم،
• هني سبب كل شيء..

وبكذبوا وبكذبوا وبكذبوا, ولك ما بيشبعوا كذب!

• وقرفهن عم يحطوه بشخص واحد، عم يحطوه ب تيار أصغر منتسب فيه بشرف راسهن، اصغر منتسب فيه أشرف منهن وانظف منهن!

مرة قال الجنرال: كفى عهر، كفى فجور..

• واليوم شو بدنا نقول ت نقول يا جنرال؟
  كفى عهر، كفى فجور، كفى كذب، كفى تضليل، كفى عمالة، كفى حقد، كفى سرقة، كفى مؤامرات، كفى كفى كفى!

ولك رغم كل هودي فشروا بنص دين رقبتهن، فشروا على رقبتهن نستسلم، فشروا نيأس، فشروا نرجع نتركلن لبنان ينسرق من أول وجديد، هني اللي رح ينقبروا يفلوا، هني اللي رح يخسروا، ولبنان المقدس رح ينتصر!

روبير مجدلاني