جنبلاط يصعّد ضد سورية، ويُحيّد إيران وحزب الله

– بدك تسأل وهاب عن الغارة المسلحّة عَ المختارة !!

***

مقتطف من حديث رئيس حزب التقدمي الإشتراكي وليد جنبلاط، لقناة الـ”mtv” ضمن برنامج “صار الوقت”: (13 ك1- 2018)

– ما في غير النظام السوري اللي بيعمل هيك نوع من الغارات (المختارة) شو لاحقاً عم يخطط..؟؟ يمكن عَم يخطط لإختراق الساحة الدرزية ويمكن متل ما خطط بالماضي، يما بعد “Youtube” تبع سلمان الفارسي لتهييج الشارع لأنو هيدا تهديد بالقتل..

– تاريخياً بشار ما عندو اختصاص ونظامو الاّ القتل، هوّي بيّو..

مرسال غانم: ليه ما بتوقف عن السوريين..؟؟

بيت جنبلاط موجودين من 320 سنة بالمختارة، الدهر أحياناً بيحكم علينا..

• بشير جنبلاط مات شنقاً بعكا
• سعيد جنبلاط مات بالحبس ذليل بعد الحرب الأهلية بعد 1860
• كمال جنبلاط قتلو آنذاك مش عن قصد شكيب وهاب..
• ليندا جنبلاط راحت قتل بظروف معينة
• بمرحلة معينة قادت المختارة نظيرة جنبلاط، الى أن استلم بيّي كمال جنبلاط.. واستدعيت والدتي بعد مقتلو.. وحمِت المختارة عَ طريقتها وحمِتني.. ولست ككمال جنبلاط ولن يكون تيمور مثلي.. ودايماً في أوقات صعود ونزول

هذا وأكد جنبلاط تبلغه رسالة من حزب الله بضرورة عدم التعرّض لإيران، مشيراً الى تفهمّه ذلك، كون جزءاً من اللبنانيين يرتبطون عقائدياً بايران.. وبخصوص حزب الله وسلاحه رأى أنّ قضية سلاحه أكبر من قدرات اللبنانيين، لافتاً الى أنّ إهتمام السياسيين يجب أن ينكبّ على الإقتصاد..