Agoraleaks Agoraleaks
– لبنان بلد صعب.. إجماع الطوائف يسهّل الإصلاح لفكفكة نظام فاسد عمرو 30 سنة
***
مقتطف من حديث النائب نقولا صحناوي، لقناة الـ”LBC”، ضمن برنامج “نهاركم سعيد”: (27 ت2- 2018)
– النق هيّن، شو أنا مش إبن البلد.. أنا كمان بِعلق بالعَجقة وبمشاكل البلد، شو إذا طاف المجرور أنا رح كون مِحمي.. انا إبن البلد، وعَ تماس مع الناس، وشخصياً أخدت أكبر عدد أصوات بالدائرة الثانية، لكن في لبنان لا يمكن الشغل بلا كل المكونات.. عَم نجرّب نعمل إجماع للبدء بالإصلاح.. وفي الشخص، يطلّع عَ 80% من الكباية وينق ويقول كارثة، وفي يطلّع بالـ10% المليانة من الكباية، ويقول صارو 20% بسنتين.. خليّنا نضل نشتغل..
– التوافق على مكافحة الفساد، عَم نجرّب نبنيه، وكتير تقدمنا، لأنو متى جبنا شريك شيعي على هيدا الموضوع، وحاكيين المستقبل.. ساعتها قادرين نطمح بتغيير تركيبة عمرا 30 سنة بغية تفكيكها
– من كم شهر راح الوزير باسيل بلقاء خاص مع السيد نصرالله، وتحدث بموضوع الفساد، وأنّو الحكومة هلق منها حكومة العهد، لأنو كان في أولويات بالمنطقة، وقانون الإنتخاب، وموازنة وحادثة اعتقال رئيس الوزارة سعد الحريري بالسعودية.. ولكن نحنا بالمستقبل ما بقا فينا نِمشي وما يكون مكافحة الفساد مش من أولى الأوليات..
– فخامة الرئيس ميشال عون، بتصريحه، قال: “بدنا نشوف مين إمّ الصبي”.. إنّو الفريقين عندو وجهة نظر، بس بالآخر ما فينا نبقى واقفين مطرح ما نحنا.. بدنا نشوف مين قلبو عَ البلد أكتر..!! يا الفريقان بيتنازلو شوي.. يا واحد منكن بيِتنازل، وبيِطلع إمّ الصبي..
