بالصوت زوادة اليوم.. الحطّاب يشهد للحق ويدلّ اللصوص عَ الشاب..!!

– الصدق عِملة نادرة (زوادة اليوم)

***

بِخبّرو عن شب كان هِربان من جماعة لصوص، بيِدخل بالغابة، وبيِلتقي بحطّاب، بقلّو بِترجاك خبّيني من اللصوص اللي عَم يطاردوني..

بِقلّوا: فوت تخبّى بقلب كومة الحطب.. وهيك عِمِل الشَبْ..

وصلوا اللصوص عند الحطّاب، وسألوه، إذا شاف الشب.. كان الجواب بكل بساطة، الشب بكومة الحطب..

رئيس العصابة بيطلّع برجالو، هيدا الرجال عَم يضيّعنا، وعَم يأخرّنا، من إنّو نِلحق الشب.. كفّوا الطريق..

لمّا فلّوا… طلِع الشب من بين الحطبات، وقال للحطّاب: معقول هيك بتدلُّن عليِّ..!! بقلّو: فكّرت وعمِلت بالقول المأثور: “بالحق وحدو تخلص.. والله عَ طول هوّي معك..”

الزوادة:

بزمن صار الصدق عِملة نادرة، ومش موجود عَ موائد الصيارفة.. ضلّ قول الحق، وأكيد هوّي اللي بِحررّك.. والله معك..

صوت المحبة