بالفيديو – الراعي: ندعم فخامة الرئيس والمرجلة مش نحطّ عصي بالدواليب، المرجلة نمهّد الطريق (Video)

– ضلُّن يحكو عن عقدة المسيحية كل يوم بس نحلّت خلقوا غيرا، والكل بيعرف مين.. خلص حطو لبنان قدام الكل

***

مقتطف من حديث البطريرك الراعي إثر لقائه رئيس الجمهورية العماد ميشال عون في بعبدا: (5 ت2- 2018)

– كلنا متضامنين مع فخامة الرئيس بالشجون اللي عَم يعيشها، وكلنا شاعرين معو فيها، خاصة بالحكومة، سيما كانو وصلو لإعلانها، طِلعت القصة الجديدة، و طبعاً الرئيس متألّم منها ألم كتير كبير، وطبعاً مش قابل الرئيس تتعثر مسيرة الحكومة 👆

– اليوم إذا نحنا ما دعمنا فخامة الرئيس والرئيس المكلّف ما رح يكون في عنا حكومة 👌

– المرجلة مش نحطّ عصي بالدواليب، المرجلة نمهّد الطريق، حتى يصير في حكومة.. ما فينا الاّ نوحّد ذواتنا، وهيدا الرئيس اللي بِريدو، الوحدة الداخلية.. ونأمل الكل دعم موقفو اللي قالو بالإعلام من أجل لبنان 🇱🇧

– نحنا بانتظار رئيس المكلّف لإيجاد حلول، المهم ما تكون حلول على حساب لبنان والوحدة الداخلية، ولا على حساب ما يسميّها فخامة الرئيس “التوازن الداخلي”. 👌

– ينقصنا شغلة واحدة، الولاء للبنان. لو في ولاء للبنان، كلنا مِنضحّي في سبيل لبنان. لا كرمال دولة برّا، ولا لأشخاص، ولا لحزب ولا لطائفة ودين… لمّا مِنصير هيك، ساعتها بصير عنّا حكومة ودولة وننطلق لقدام… 👌

– ضلُّن يحكو عن العقدة المسيحية.. لِحقونا فيها كل النهار.. لمّا نحلّت خلقوا غير عقدة، وكلكُن بتعرفو مين.. خلص عقد حطو لبنان قدام الكل.. يا في نوايا صالحة وبدنا لبنان يقوم، او ما في نوايا حسنة 👌

رصد Agoraleaks.com

https://www.youtube.com/watch?v=8i5eW5mUw2I&feature=youtu.be