Agoraleaks Agoraleaks
فايتين عَ حكومة تنشاكس بعضنا او لنتفاهم مع بعضنا؟ سبب التأخير للإتفاق حتى تكون حكومة تفاهمات.
سأل عضو تكتّل التغيير والإصلاح النائب نبيل نقولا، عن التصنيفات التي تُطلق للوزارات، مشيراً في حديث الى قناة “الجديد” الى أنّ الأساس يكون في اعتماد مبدأ التعاون بين الوزارات لا المناكفات بين الوزراء، ومما قاله:
– شو معنى وزارة سيادية ووزارة غير سيادية، ووزارة وازنة ووزارة غير وازنة، ووزارة خدماتية، كل الوزارات خدماتية لأنو أساسا وجدت لخدمة المواطن
– وزارة وازنة شو معناتا، انو فيا مصاري. ليش الأموال ملك الوزير او ملك المواطن
– وزارة سيادية، شو معناتا، كل الوزارات سيادية، لأنو بتعمل على أساس سيادة واستقلال لبنان
– لو في وزير بيئة، كان بيضرب ايدو على الطاولة وبقوم عمل مجدي، كان بيّن أكتر من كل الوزراء، بس هيدي الأمور بتعود لشخصية الوزير
– بخصوص تشكيل الحكومة، إذا تأخرّة يوم او اسبوع، يللي بهمنا، أيّا شخص بفوت على الحكومة من أيا فريق لازم يحطّ نصب عينو، إنو أنا فايت تَ اشتغل لكل الناس، مش لفريق سياسي
– نص البيان الوزاري كان دقيق بكلّ كلمة، وبخطاب الجنرال شكر يللي انتخبو ويللي ما انتخبو، وطلب من يللي ما انتخبو إنو نحنا منحط ايدنا بين بعضنا تننهض ببلدنا، وهيدا الكللم بعتبرو مقدّس، وهيدا الكلام يمثّل ما يريده العهد
– نحنا فايتين عَ حكومة تنشاكس بعضنا او بدنا نفوت على حكومة قادرين نتفاهم مع بعضنا؟ الموضوع هون، لهيدا السبب التأخير هوي للإتفاق انو ستكون حكومة تفاهمات، وما رح تكون حكومة مشاكسات، هيدا يللي عم نشتغل عليه، وهيدا يللي بدنا ياه، لأنو شبع المواطن اللبناني مشاكسات وتناقضات
