بالفيديو حنا العتيق عن حلقة “الميادين” وموضوع صبرا وشاتيلا، ورفضه إفشاء الأسرار وسؤال ناضر لسمير عام 1991؟ (Video)

– قامِت القيامة بس قلنا سمير عطا أوامر بِ 13 تشرين، ما هيدي الحقيقة كل الناس بتعرفها، بدءاً من جعجع وصولاً لآخر شخص بمربض مدفعية.. هيدا مش سرّ، ليه بتقدر تضرب بمدفع ومدافع وتخبّي القصة.. 🙏

***

مقتطف من حديث مؤسس الحركة التصحيحية في القوات اللبنانية حنا العتيق، لقناة الـ”OTV”̤، ضمن برنامج “يوم جديد”: (17 تشرين الأول 2018)

حنا العتيق عن حلقة “الميادين” وموضوع صبرا وشاتيلا، ورفضه إفشاء أسرار وسؤال ناضر لسمير عام 1991: هل حققنا أهدافنا..؟؟ 🇱🇧

– قلتلّو، إذا قصدك كمسيحيي، إنو أنا عم إعتذر قدام جماهير الدول العربية، لاق مش رح إعتذر.. لأنو نحنا كنّأ بأرضنا وعم نِعمل واجباتنا، ونحنا أعتُدي علينا ولم نعتدي عَ احد.. 🇱🇧

– حاول يدخلني (الإعلامي )بمجازر معينة، فقلت له: نحن قلنا عَفا الله عمّا مضى، وبدنا نطوي الصفحة، ولكن الفلسطينيين عِملو مئات المجازر.. واليوم شو عَم يِعملو المسلحين بالمخيمات!! 👆

– مع جعجع الخلاف بدأ بسؤال سنة 1991، هل قضيتنا كمسيحيين ربحت!! هل وصلنا لبرّ الأمان؟؟ وكنّا طالعين من حرب مدمرّة، ورايحين باتجاهات، مش عارفين لوين بدنا نروح؟؟ 😞 والتشبيه اللي عطاه بوقتها (سمير) مش جيّد، بيسألو رفيقنا ريمون ناضر: كيف تشبّه الحالة يا حكيم!! بقلّو: متل واحد عم ينطّ من سادس طابق، من شباك لشباك.. لقط الشباك بكون لقطو، وإذا ما لقطو بفكّ رقبتو..😞 وبالتالي فكينا رقبتنا 😞

– كل قضية عندها أهداف، ما فيها تتخلى عن وسائلها إذا ما أمنّت أهدافها.. 👆

– لن افشي أسرار للقوات على مستوى الشخصي، وكنت خايف إحكي عن الحروب الداخلية، بدءاً من مجزرة اهدن 1978 وإنتهاءً بحرب الإلغاء.. وبالنهاية إمّا أكتب الحقيقة أو لا أكتب.. لا يمكن كتب من نسج الخيال، علينا أن نسمّي الأمور بأسمائها 🙏

– مجرد ما قلنا سمير عطا أوامر بِ 13 تشرين، قامِت القيامة، ما هيدي الحقيقة كل الناس بتعرفها، بدءاً من جعجع وصولاً لآخر شخص بمربض مدفعية سيما في بيروت.. هيدا مش سرّ.. ليه بتقدر تضرب بمدفع ومدافع وتخبّي القصة.. وما قلته لم أقله ليستعمله التيار، ولا للتقنيص للقوات.. ما قلته هو إنطلاقاً من تنقية الذاكرة🙏

– ما عمِلتو اتفاق مصالحة بين القوات والتيار، هلق هيدي عائق. إذا القوات قصفت أو ما قصفت! ما صار اللي صار، وخِرب البلد، وتهجرت الناس، واستشهد 3 آلاف.. القصة لأنو حنا العتيق.. 🙏 وحا العتيق ما زال حنا العتيق، رفقاتو هني ذاتُن، وتاريخو وعقلو ومستقبلو وقضيتو لن تتغير… 🙏

– الفلسطينيي عِملو يللي عِملو سنة 1982، وخربّوا اللي تخرّب، واليوم الفلسطينيين مضو سلام مع اسرائيل، نحنا اللبنانيين مش ماضيين سلام.. بالنهاية الكفاح المسلح الفلسطيني لازم ينتهي بلبنان 🇱🇧

– اليوم نص المخيمات تحوي هاربين من وجه العدالة 👌

– الحرب فُرضت عليّي، ما تلاقي حالك الاّ موجود بداخل الحرب، وما بتقدر تتراجع، أو ما خصني فيها 👆

– نحنا ناس نتحمّل المسؤولية، ولكن الدرس العظيم اللي تعلمته: إنو ما نِعمل الحرب إذا فينا ما نِعملها” 👌

– على الإنسان يتمسّك بأهدافو ومبادئو.. وأنا مش ندمان عشي عمِلتو بحياتي العسكرية، وإذا كنت أخطأت بعتذر، ما في أي مشكلة.. 🙏

– الكنيسة ملزمة إنو تشوف شعبها ورعيتها بمحاولة وتنان و100 محاولة ولن نيأس 👆

– مش مطلوب من الكنيسة معالجة كلشي، ولكن الحدّ الأدنى.. ولد ما لازم يكون خارج المدارس، او الإستشفاء 👌

رصد Agoraleaks.com

https://www.youtube.com/watch?v=iOtNizMd5r8&feature=youtu.be