بالفيديو سكارليت حداد لمسؤولة المردة: شوية منطق شو هالحكي إنّو عون إستفاد من بشار الأسد أكتر من المردة حتى إجا رئيس للجمهورية 🤠

سكارليت حداد بتحليل مميّز عن التيار رداً على إيلي ماروني.. وترفض الحديث عن سباق رئاسي بعد بكير نِحكي عن الموضوع!!

***

مقتطف من حديث الإعلامية سكارليت حداد ضمن برنامج “بيروت اليوم” عَ قناة الـ”mtv”، وردها على عضو لجنة الشؤون السياسية في تيار المردة ميرنا زكريا: (أيلول 21- 2018)

• لا أوافق إنّو التيار الوطني الحر، يستعمل تعابير مش لائقة، لأنّو هوّي أقلّ من كل الباقيين.. بلا ما نسمّي، ونبدأ من وليد جنبلاط ونزول..
• الواحد إيام بدّو يلاقي توصيف، التوصيف إيام بِكون موفّق، وممكن ما يكون موفّق.. بس منُّن إهانات. وكلام باسيل بخصوص الوزير فنيانونس، مبرّرة..

وضع المطار كان لا يُطاق، وما في مبرّر، يعني في إشيا إيه بدها توسيع، وبدها تزبيط، وبدها مصاري.. بس Sorry ، عيت الحمامات شو مانع تكون نظيفة..

• مشكل الوزير باسيل، ومواجهة التيار الوطني الحر مع بقية الأفرقاء السياسيين، يؤكد أنهما لا ينفذان مساومات، بيِلحقو “الحق”.. مش قصة إنّو هيدا نتفّق معو بالسياسة وبالإستراتيجية، يعني منِسكُت عَ الغلط

ورداً على سؤال دعوة النائب السابق إيلي ماروني، الى إنشاء جبهة مسيحية في وجه جبران باسيل، قالت سكارليت حداد:

إذا قادِر يللا..
ما قوة التيار الوطني الحرّ ولا مرة ببقية الأفرقاء المسيحية.. كل عمرها شعبية

ما خفِّت ولا زِغرِت، ولا شي، كرمالها عَم تِكبَر.. لأنو الناس عَم يشوفو.. والتيار الوطني الحرّ هو تيار صغير بالعمر، منّو كبقية الأحزاب (المردة – الكتائب – القوات) يللي كانو موجودين بالحرب الأهلية..

بيّن بالإنتخابات النيابية، إنّو قادِر يِجمَع ناس من الخلفية:

• القومية
• المسيحية

هلق إذا كانو متضررين من قدرته عَ سحب كتائب، وقوات، ومردة، وقوميين.. أكيد هنّي متضررين، ورح يتكتّلو.. لأنّو هنّي عَم يجربو يبنوا دولة، وهوديك بعدُن على “البوتيكات” القديمة.. وعطيني حتى أعطيك..

ورداً على قول كلام ميرنا زكريا، أنّ الوزير سليمان فرنجية لم يستفد من الوجود السوري بلبنان، وإشارتها أنّ الغير هم الذين استفادوا، ومن بينهم العماد عون.. والاّ كيف صار رئيس جمهورية.. 

هنا علَّقت الإعلامية سكارليت حداد:

شو الحكي، حرام عليكي.. مش دول جابِت العماد عون، ظروف ساهمت بمجيئه.. وسنة 2016، يا ريت كان الو دور الرئيس بشار الأسد،الأنجأ كان يخلّص ببلدو..

نِحكي شي منطق، عملي معروف..

ورداً على سؤال الى سكارليت حداد، عن السباق الرئاسي، ومن الذي يتقدّم الوزير باسيل أو النائب السابق فرنجية، قالت:

ارفض إحكي عن الموضوع، بِعتقد إنّو بعد بكير.. وعندي امل كبير برئاسة لعماد ميشال عون، إنّو يِقدِر يِعمِل شي، وبعدا كل حادث الو حديث. والمطلوب يِنجح بكم شغلة، أهمُّن إرساء منطق البلد..

رصد Agoraleaks.com

https://www.youtube.com/watch?v=EsrCRcFhaLM&feature=youtu.be