بالفيديو زياد اسود: القوات شي وجعجع شي.. و”حمرنة” وعقم مسيحي، من يِفتكر إنو اسقاط عون ربح الو 🐴 (Video)

– القوات مش قوات، بلا إيلي أسود وفؤاد أبو ناضر، وجو اده، وبوب حداد… (التفاصيل)

***

مقتطف من حديث النائب زياد اسود ضمن برنامج “الحدث” على قناة “الجديد” عن الوضع المسيحي ✝ : (19 أيلول 2018)

• نحنا مش صيصان بالقِن…
  ما يِفتكر إنو إذا واحد مَسَح الأرض بحزب سياسي انو كلنا رح نتفرّج، يِسمحولنا..
  – بدّك تناقشنا نحنا منحكي فكر..
  – بدّك تِعمل أزعر، منَعرِف كيف ندافع عن حالنا.. وهيدا الحكي موجّه للكل.. 🕵‍

رح تِطلع فجّة، في إعتقاد وخلفية عند بعض الناس، إنّو ما في حدا بيِحمي المسيحيي بالدولة.. وهيدا الكلام بِقولو سائق التاكسي عَ الدورة، ومنِسمَعو بساحة جونية وبجزين.. خيّي نحنا مش ممسحة.. 🤐

• اليوم في مين يحميهُن..
  وهيك قرارات كيدية بحق المسيحيي، سنواجهها بقرارات مضادة، حتى يشعر إنو غطرستو بتوجعو وبتوجعنا.. وبيعرِف ساعتها إنّو قبل ما يِمسك القلم أي وزير ويِمضي وأثار توقيعو الو تداعيات.. 👌
• في ملف بوزارة البيئة، من أيام الوزير كرم، بحق 30 – 40 موظف.. قال هودي سارقين وناهبين، ومزورين.. شو الصدفة إنّو النيابة العامة ما بتِدعّي ع 26 من طوائف أخرى.. 💯
• هيدي هيي الكيدية، وهيدي هيّي النمطية من سنة 1992 لليوم، مجلس الخدمة المدنية (ولدينا الوثائق) بتطبيق نهج لعدد معيّن من هون أكثر من هون.. إنو يللي بقدّمو المسيحييي بالإذن من الجميع “حمير” وبيسقطو، ومن غير طوائف بينجحو… لهذا السبب المسيحيي بطّلو يقدمو، لأنو ما خلقت دولة ترعاهم.. واحد بيترقّى وواحد لاق، من دون ما نعرف ليه؟؟ 🎬

مش هيدي الدولة اللي فِتنا عليها، ومش هيدي الدولة اللي بدّك تِفرضها عليّي.. 🎯

• بدّو يقتنع شريكي بالوطن،
  انو نحنا عنا رئيس جمهورية، نحنا ما عنا موظف بِتحطلّو صورة عَ الحيط، ويِقعُد ببعبدا، ونحنا منِعمُل اللي بدنا ياه..!! 👆

أكبر جهل وأمية وعقم مسيحي، اللي بيِفتِكر إنّو إذا سقط ميشال عون، هوّي رح ينتصر.. الحمرنة ذاتها..!! 🐴

• ما قاله جعجع أكد اقوال عون، ويللي بِقول بدّي 15 وزير، وحقو 10 أو 7، وبصير إنزل من الـ15 للـ7، بِكون متنازل، أو مكبّر حجمو..!! 👌
• أنا أفصل بين القوات وسمير جعجع، متل ما هوي بيفصل بين العماد عون وجبران باسيل، وبين التيار وجبران باسيل.. ونعم فيّي إفصل، لأنو نحنا أبناء المجتمع المسيحي، وأنا أكثر واحد بِقدِر إحكي عن القوات، لأنو عندي أقارب بالقوات، من ايلي اسود نائب الرئيس بشير الجميل.. فالقوات شي، وسمير جعجع شي.. والقيادة الحالية شي.. ومواقف القوات التاريخية شي.. وبالمستقبل شي تاني.. 😉
• القوات مش قوات، بلا فؤاد أبو ناضر، وجو اده، وبوب حداد… 🕵‍
• عملنا إتفاق مع سمير جعجع، مِشِي الاتفاق بأوّل حكومة، وسقط الاتفاق بعد دخولهم الحكومة، من ورا منهجيتهم وإداءهم، وصولاً الى موضوع الرئيس الحريري، وهجومُن عَ العهد، وعَ التيار وعَ باسيل، وعَ فخامة الرئيس، وعَ الملفات، وباشاعات تطلق غير مسندة على حقائق.. 👌
• صحيح نحنا وهنّي مش صورة طبق الأصل، في فوارق، ولكن بيني وبينُن في مساحة، فيها تصغر، وفيها تضيق بحسب النوايا والآداء.. واضح نواياهم مش سليمة 😞

https://www.youtube.com/watch?v=9ILMiIQATO0&feature=youtu.be

رصد Agoraleaks.com