سليم عون، عن أزمة النظام وعقدة جنبلاط وإستفزاز المرعبي: عون للدهر ما رضخ، لا تراهنوا..!! (Video)

– مروان حمادة اجبر التيار على الردّ.. لأن التمادي وصل الى حدّه.. “جوزفين” أنتي أم، وبتعرفي إنو بحالات معينة يمكن لها ضرب طفلها “ضربة خفيفة” لخَيرو..

***

مقتطف من حديث النائب سليم عون ضمن برنامج “حوار اليوم” على قناة الـ”OTV”: (أيلول 16-2018)

أزمة النظام

• من سنة 1990 لليوم، نحن بأزمة نظام، وكنّا بس نوصَل عَ الحَفِّة، نِرجع ننقذ النظام، اليوم بكل صراحة الإتفاق الذي أدّى وصول فخامة الرئيس العماد عون، كان نتيجة عدم الوقوع النهائي بأزمة النظام
• نحن اليوم إذا ما بتِنحلّ أزمة الحكومة مِنكون عَ أبواب تغيير ما للنظام..
• فخامة الرئيس واضح بقوله “حكومة العهد الأولى هي بعد الإنتخابات النيابية”، ولهذا السبب ضحّى العهد سنة لإصراره على قانون جديد يمثّل الجميع بحجمه، ونتيجة هذاالقانون الذي إعتمد النسبية، كل الأفرقاء إحتفلت بإنتصاراتها.. لأنّو كل فريق إعتبر إنّو وصلّو حقّه..

عقدة جنبلاط

https://www.youtube.com/watch?v=vHTkSgaeFYk&feature=youtu.be

• التمثيل النيابي واضح، والأحجام واضحة، مطالبة وليد جنبلاط بزيادة حجمو تضخيم لا لزوم له، لأنّ حجمه كان 13 نائب، وكان يتمثّل بوزيرين فقط، للأسف اليوم صار 9 نواب، وبدّو 3 وزراء ليحتكر كل حصة الدروز..!!
• الكلّ يتلطّى وراء العقدة المسيحية، وبرأيي هي أهين عقدة..
• قبل إنتخاب الرئيس عون وصلت الأزمة،
  1) إما إنتخابه،
  2) إمّا النظام سيتداعى..
  لذلك إرتأى الجميع أنّه من الأفضل إنقاذ النظام.. واليوم يتبيّن مع الوقت أنّهم يريدون إفشال عهد الرئيس عون، ونحن برأينا إذا فشلنا مع العماد عون من تنفيذ الإصلاح، فلن ينجح أي رئيس آخر بتحقيق رغبة اللبنانيين بالإصلاح..

وينُن..!!

• أين هم الذين كانوا يغالون عَ التيار بالمثالثة، وين أصواتُن اليوم، هل يؤيدون كلام المرعبي..؟؟
• نحنا مش شايفين حالنا أقلية،
  كل اللبنانيين أقليات،
  بالآخر لبنان صيغة فريدة، ونحن متمسكون بها، يللي بدّو يغيرها يتفضّل..

صلابة عون

فخامة الرئيس بس كان قالِب الدهر عليه، ما حدا قدِر رضّخوا وإبتزوّا.. بخصوص العقدة الدرزية من سنة 90 لليوم، فيشي حكومة رغم تَدليله وتغنيجِه من قبل السوريين بقانون الإنتخاب، أرسلان كان دائماً موجود ويتمثّل.. وهذا ماحصل حتى بعد 2005..

وقف التمادي

تصرّف مروان حمادة بدّو هيك ردّ، شو منعمِل..؟؟
منستنكر بتصريح وبيستمرّوا بالتمادي..!!
لاق، تماماً متل الأم، وانت (الإعلامية) جوزفين يمكن تضطرّي تضربي إبنك على فخذه كرمالو.. فهل يحق لي باتهامك: إنتي كل عمرِك مع حقوق الإنسان والطفل، صرتي متل غيرك، بتِمدي إيدك عَ ولادِك..!!

رصد Agoraleaks.com